Hechos 21:20 - Porciones del Nuevo Testamento

²⁰ Maʉ̃ta ãzha ũrĩbʉdadꞌera Daizezera ibia jarasidꞌa. Mobe Pabloa mawũãsidꞌa: Akʉbꞌʉe mebea, judíorãnebema mil bio bꞌʉa Jesúsdꞌebema ĩjãbʉdata, jõmaʉ̃ba aribꞌae bꞌea Moisé ũrãgꞌata.

Hechos 21:20 ပူးပေါင်းရင်းမြစ်များ

Mateo 9:8

Zhãrãba maʉ̃ta ũdubʉdadꞌera bia akʉdrua Daizeze ibia jarasidꞌa maʉ̃ zareata diasi baera beubari bꞌea.

Lucas 12:1

Maʉ̃ne kꞌabana bʉredrʉ bʉsiba ãzhirãĩnu zhiya biradiga kꞌobꞌedꞌe Jesúsbara izha jʉrʉkuadꞌaa naara mawũãsia: Kĩrãkuita bꞌeaudua ne oreguea fariseorãne kꞌarea, ãzhi sewa bibaʉta bꞌeta maʉ̃ã.

Lucas 15:32

Mawũãmina fiesta odꞌaita bara basia sobiadꞌaita. Naʉ̃ bʉ mebeara beudꞌa kĩrãkꞌa nʉmanata zokꞌai bꞌʉba, aduadꞌata ũdubʉdaba.

Juan 12:24

Mʉã wãrĩnu marãã jaraya, trigo ta egorodꞌe ubudata pãwãrãĩta beu ẽbʉrʉ abꞌabai bꞌaya, mawũãmina pãwãrãĩta beura, waripe bio zauya.

Hechos 11:18

Maʉ̃ta ũrĩbʉdadꞌera chupeadꞌape Daizeze ibia jara mawũãsidꞌa: ¡Mawũẽ Daizezebara idaribibʉrʉa judío ẽãta bꞌebidꞌa kꞌazhiruara ãmape izhita pẽwãnamarẽã, aramaʉ̃ne jidadꞌamarẽã izhi ũme bꞌai jõ ẽãta!

Hechos 15:1

Maʉ̃nerã ʉ̃kʉrʉ Judea druadꞌeba zebʉdabara mebẽrã judíorã ẽãta ũrãgꞌa mawũãsidꞌa: Moisédꞌeba nʉmʉ kĩrãkꞌa zhũmakĩrã kꞌakua eta kꞌõ ẽbʉrʉ marã ẽdrʉ bꞌe ẽã.

Hechos 15:24

Daibara ũrĩsidꞌa ʉ̃kʉrʉ daidꞌebemata marãma wãnapeadꞌata, maʉ̃rã daiba wãbidꞌa ẽbasia, maʉ̃rãbara bedꞌeaba marã idu bꞌʉ ẽã jirpanʉba kꞌawua ẽã krĩchabi jirpanʉã, jara jirpanʉã zhũmakĩrã kꞌakua eta kꞌõmarẽã, jara jirpanʉã aribꞌaedꞌamarẽã Moisé ũrãgꞌata.

Hechos 15:5

Mawũãmina ʉ̃kʉrʉ fariseorãnebemaba Jesúsdꞌebema ĩjãnapeadꞌata piradrʉdꞌape mawũãsidꞌa: Judíorã ẽãta bꞌera zhũmakĩrã kꞌakua eta kꞌõĩbara, jaradꞌaibara aribꞌaedꞌamarẽã ũrãgꞌa Moisédꞌeta.

Hechos 2:41

Aramaʉ̃ne Pedro bedꞌeata ĩjãnapeadꞌara buru kꞌoesidꞌa. Maʉ̃ ewadera Jesúsdꞌebema ĩjãbʉdara edꞌa zesidꞌa tres mil.

Hechos 22:3

Wãrãnebai mʉrã judíota tosia Tarso pʉwʉrʉdꞌe, maʉ̃ pʉwʉrʉra Cilicia druadꞌebema. Mawũãmina mʉrã warisia nama Jerusalén pʉwʉrʉdꞌe. Mʉãrã ũrãgꞌara kꞌawasia Gamalieldꞌeba, sãwũã kꞌawai bꞌʉdꞌe kꞌawasia Moisé ũrãgꞌa dazhirã zhibarirã bꞌeadꞌadꞌeta. Aramaʉ̃ne Daizezedꞌebema aribꞌae bꞌasia idꞌi ewade jõma marã bꞌe kĩrãkꞌa.

Hechos 4:21

Mobebʉrʉ nokꞌorãbara wuaabʉrʉ waragꞌadꞌape ẽna panʉsidꞌa. Sãwũã udꞌaira kꞌawuadꞌa ẽbasia zhãrã jõmaʉ̃ba Daizeze ibia jara kꞌobꞌe baera kꞌãrẽ sãwũã dogꞌoba.

Hechos 4:4

Mawũãmina bedꞌeata ũrĩnapeadꞌabara bioba Jesúsdꞌebema ĩjãsidꞌa. Aramaʉ̃ne zhũmakĩrãrãta panasita bꞌʉa cinco mil.

Hechos 6:7

Daizeze bedꞌeara wuaabʉrʉ jara wãsidꞌa, mawũẽ Jesúsdꞌebema ĩjã bꞌera kꞌãbãẽã eaba wãsia Jerusalénnerã. Sacerdoterãbidꞌa bioba ĩjã tupudꞌeasia.

Romanos 10:2

Mʉã kꞌawuaidꞌera Daizezeba krĩñane nʉma krĩña bꞌea, mawũãmina wãrĩnu sãwũãta kꞌawua duanu ẽã.