Hechos 21:16 - Porciones del Nuevo Testamento

¹⁶ Dai bawara Jesúsdꞌebema ĩjã bꞌeta ʉ̃kʉrʉ zesidꞌa Cesareadꞌebemata. Ãzhi bawara iabꞌa wesidꞌa Mnasón abadata Chipredꞌebemata, Jesúsdꞌebema ĩjãnata dããrã bꞌasia, daira izhi maẽ duanesia.

Hechos 21:16 ပူးပေါင်းရင်းမြစ်များ

Hechos 10:24

Nrũẽma jũẽsidꞌa Cesarea pʉwʉrʉidꞌu. Corneliobara ãzhira jʉ̃ã bꞌasia trʉ̃kuape zhi mebẽrãta dewara izhi bawara zhibiarãta.

Hechos 10:48

Aramaʉ̃ne buru kꞌoedꞌamarẽã jarasia Nokꞌo Jesús trʉ̃neba. Maʉ̃nerã Pedroa zuburia bedꞌeasidꞌa bꞌemarẽã ewari ʉ̃kʉrʉedꞌa.

Hechos 11:19

Esteban beasidꞌadꞌe Jesúsdꞌebema ĩjã bꞌera zuburia odꞌaita pẽwãsidꞌadꞌera zhi jãrãzoabʉrʉra wãsidꞌa Fenicia druaidꞌu, Chipre dodꞌuidꞌu, Antioquía pʉwʉrʉidꞌu. Maʉ̃nerã awʉrʉa jaradꞌa ẽbasia Jesúsdꞌebema bedꞌeara, awuarabʉrʉ jarasidꞌa judíorãta bꞌea.

Hechos 15:39

Aramaʉ̃ne ãzhirãĩnu krĩcha abꞌarika zedꞌa ẽãba zhiya zhi tʉsidꞌa. Bernabébara Marco edebʉrʉta barcodꞌe wãsia dodꞌu Chipreidꞌu.

Hechos 15:7

Dããrã bedꞌeabʉdadꞌe Pedrota piradrʉpe mawũãsia: Mebẽrã, sãwũã dããrã bata marãbara kꞌawua bꞌea, mʉrã Daizezebara jʉrʉsia judíorã ẽãba mʉ idꞌeba Jesúsdꞌebema bedꞌea biata ũrĩnape ĩjãnamarẽã.

Hechos 21:8

Nrũẽma Pablo dai izhi bawara bꞌe bawara wãbʉrʉdꞌera daira wãsidꞌa Cesarea pʉwʉrʉedꞌa. Mobe Felipe dedꞌa wãsidꞌa Jesúsdꞌebema bedꞌea biata jarabari maẽ. Izhira mebẽrã kꞌarebaita jʉrʉdꞌapeadꞌata sietedꞌebema basia, daira duanesia izhi maẽ.

Hechos 4:36

Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia.

Hechos 8:40

Maʉ̃ne Felipera Azoto pʉwʉrʉidꞌu basia. Izhi berabꞌari wã maẽ Jesúsdꞌebema bedꞌea biata pʉwʉrʉ jõmaʉ̃ maẽ jarakꞌa wãsia jũẽñeẽna Cesarea pʉwʉrʉidꞌu.

Romanos 16:7

Saludo diaudua Andrónico dewara Junia, ãzhira mʉ ʉrerãta panʉã, mʉ bawara panasia cárceldꞌe, ãzhira bia jara panʉã Jesúsba zokꞌakuadꞌabara. Ãzhara Cristodꞌebema ĩjãsidꞌa mʉ nawedꞌa.