Hechos 21:11 - Porciones del Nuevo Testamento

¹¹ Maʉ̃bara dai akʉdꞌe zebʉrʉta jidasia correa Pablodꞌeta, mobe izhi jẽrũta izhi juwuata tãjʉ̃pe mawũãsia: Naʉ̃ẽnabemata Jawurebiaba jara kꞌobꞌʉta: Jerusalénne judíorãba kꞌãwũã tãjʉ̃naña naʉ̃ correa zhibarita, mobe chãbꞌaridꞌaya judíorã ẽãta bꞌe juwuadꞌe.

Hechos 21:11 ပူးပေါင်းရင်းမြစ်များ

Juan 18:1

Jesús mawũã zhiwidꞌipe izha jʉrʉkuadꞌa bawara wãsia do zake Cedrón kĩrãrẽ. Mama ne uta bꞌʉ maẽ edꞌa wãsia izha jʉrʉkuadꞌa bawara.

Hechos 13:2

Ewari abꞌa mebẽrã Daizeze ibia jara nekꞌo ẽã zhiwidꞌi tabꞌʉdꞌe Jawurebiaba mawũãsia: Bernabéta, Saulota mʉĩta bꞌʉudua, kꞌãrẽ obigaita mʉã jʉrʉkuabʉrʉa.

Hechos 16:6

Frigia druadꞌe, Galacia druadꞌe berabꞌari wãnerã, Jawurebiaba idaribiga ẽbasia Daizeze bedꞌeata jaradꞌaira Asia druadꞌe.

Hechos 20:23

Mʉã kꞌawua bꞌʉra Jawurebiaba pʉwʉrʉ jõmaʉ̃ne mʉãã jara bꞌʉa mʉrã cárceldꞌe bꞌaita, zuburia bꞌaita.

Hechos 21:33

Aramaʉ̃ne soldaorã nokꞌota wagꞌaubara orrape jidabʉrʉta jarasia jʉ̃namarẽã cadena ũmeba. Mobe zhãrã kꞌobꞌea widꞌisia kꞌai kꞌawuaita, kꞌãrẽ odꞌata.

Hechos 21:4

Jesúsdꞌebema ĩjã bꞌeta ũdudꞌape daira mama duanesia ewari siete. Maʉ̃rãbara Jawurebiadꞌeba Pabloa jarasidꞌa wãrĩze ẽbamarẽã Jerusalén pʉwʉrʉedꞌa.

Hechos 22:25

Mawũãmina udꞌaita jʉ̃bʉdadꞌera Pablobara soldaorã nokꞌota mama kꞌobꞌʉa mawũãsia: ¿Roma bidꞌara marãã ubi panʉka sãwũã oita jaradꞌa ẽwedꞌara?

Hechos 24:27

Aramaʉ̃ne año ũme babʉrʉdꞌera Félix nokꞌota bꞌadꞌara kenabꞌaribʉrʉba chãbꞌarisia Porcio Festoa. Félix judíorã bawara bia bꞌa krĩñaba cárceldꞌe ãmaẽsia Pablora.

Hechos 26:29

Mawũãĩ Pablobara mawũãsia: ¡Daizezeba krĩñabʉrʉ dããrãne o dããrã ẽãne mʉãrã bari bʉta sãwũã bꞌaita krĩña bꞌʉ ẽã, awuarabʉrʉ jõma idꞌi mʉ bedꞌeata ũrĩ kꞌobꞌesidꞌa mʉãrã mʉ kĩrãkꞌa bꞌeaita krĩña bꞌʉa naʉ̃ cadena ne ẽã!

Hechos 28:17

Jũẽnata ewari ũbeadꞌe Pablobara trʉ̃bisia nokꞌorã judíorãneta, aramaʉ̃ne ãba zebʉdadꞌera mawũãsia: Mʉ ʉrerã, mʉãrã dazhirãta bꞌera bĩ ẽã o ẽbasia, miã mʉãrã bĩ ẽã o ẽbasia dazhirã zhibarirã bꞌeadꞌaba okꞌawa bꞌeadꞌara, maʉ̃ta mʉrã jidadꞌape Jerusalénne chãbꞌarisidꞌa Roma bidꞌarã juwuadꞌe.

Hechos 28:20

Maʉ̃ kꞌarea mʉãrã marãta trʉ̃kuasia marã ũduita, marã bawara bedꞌeaita. Zhãrã Ẽdrʉbita Israel bꞌeba jʉ̃ã bꞌedꞌebema kꞌarea mʉrã kꞌãwũã jʉ̃ bꞌʉa naʉ̃ cadenaba.

Hechos 28:25

Ãzhirãĩnu krĩcha abꞌarika zedꞌa ẽãba wãbʉsidꞌe Pablobara mawũãsia: Bia kꞌãʉ̃neba Jawurebiara bedꞌeabʉrʉta, Daizezeba bedꞌeata jarabibarita Isaíadꞌeba dazhirã zhibarirã bꞌeadꞌata jara mawũãsia:

Hechos 8:29

Maʉ̃ne Jawurebiaba Felipea mawũãsia: Orradua kꞌãʉ̃ cocheta.

Hechos 9:16

Mʉã izhaa kꞌawuabiya izhi sãwũã zuburiai barata mʉnebemata jara bꞌʉdꞌera.