Hechos 20:32 - Porciones del Nuevo Testamento

³² Kꞌõbebʉrʉ mebẽrã mʉã marã chãbꞌariya Daizezea, bedꞌeata izhi biaba jarabi nʉmʉkꞌãrĩã chãbꞌariya, izhara zareata erubꞌʉa marã soidꞌu bꞌeabiita, marãã dedꞌekaya izha diaita jaradꞌara izhidꞌeta duanuna jõmaʉ̃ã.

Hechos 20:32 ပူးပေါင်းရင်းမြစ်များ

Marcos 10:17

Jesús wãne iabꞌa wãẽba zepe izhi kĩrãbita sãkꞌokꞌodꞌe kꞌobꞌepe widꞌi mawũãsia: Miã Ũrãgꞌabari, bʉra biata bꞌʉa, ¿mʉãrã kꞌãrẽta oi barape Daizeze ũme bꞌai jõ ẽãta jidaira?

Juan 15:3

Aramaʉ̃ kĩrãkꞌa marã ya zhi araa omata bꞌea, bedꞌeata mʉã marãã jara nʉmʉba.

Juan 17:17

Wãrãneba bʉita bꞌeabirua, bʉ bedꞌeata wãrã.

Hechos 11:23

Maʉ̃ta jũẽbʉrʉdꞌera ũdusia Daizezeba izhi biaba bia edakuata, mawũẽ sobiape jõmaʉ̃ã jarasia soidꞌu bꞌeamarẽã Daizeze ũme.

Hechos 14:23

Pʉwʉrʉza mebẽrã bꞌe maẽ nokꞌorãta bꞌʉsidꞌa. Nekꞌo ẽã zhiwidꞌi tabꞌape Jesúsdꞌebema ĩjã bꞌera Daizezea chãbꞌarisidꞌa izhidꞌebemata ĩjãnapeadꞌaba.

Hechos 14:26

Mamaʉ̃ba barcodꞌe wãsidꞌa Antioquía pʉwʉrʉedꞌa, mama chãbꞌaridꞌapeadꞌa basia ãzhira Daizezeba izhi biaba kꞌarebamarẽã, maʉ̃nebemata mawũã aribꞌaesidꞌa.

Hechos 14:3

Mawũẽ Pablora Bernabéra mama ewari dããrã panebʉdata Daizezeta krĩcha wãnigua bedꞌea panesia, maʉ̃nerã Daizezebara kꞌawuabiga nʉmasia bedꞌeara izhi biaba jarabiga nʉmʉkꞌãrĩta, mawũẽ obiga nʉmasia ũdudꞌakꞌata.

Hechos 15:40

Waya Pablobara Silata jʉrʉ edape wãbʉrʉdꞌera, izhi biaba ãzhi akʉmarẽã mebẽrãbara chãbꞌarisidꞌa Daizezea Nokꞌoa.

Hechos 20:24

Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.

Hechos 26:18

Aramaʉ̃ne mʉ bedꞌea wãrãta kꞌawuabʉdaba dabʉ ewekuamarẽã, pãrĩguadꞌe bꞌeadꞌata aramaʉ̃ne bꞌeaya ʉ̃nane, ãtõmiã zarea edre bꞌeadꞌata aramaʉ̃ne zedꞌaya Daizezema. Aramaʉ̃ne mʉnebemata ĩjãbʉdaba Daizezebara bedꞌea ne ẽã duanebiya kꞌazhiruata biodꞌeba, aramaʉ̃ne bꞌeaya izhidꞌeta bꞌedꞌebemata.

Hechos 9:31

Aramaʉ̃ne mebẽrã adu-a duanesia Judea druadꞌe bꞌera, Galileadꞌe, Samariadꞌe bꞌera. Maʉ̃nerã soidꞌu duane wãta Daizeze wawia duane wãsia. Aramaʉ̃ne eaba wãsia Jawurebia kꞌarebadꞌeba.

Romanos 8:17

Mawũã zhi warrarã baera Daizezeba ne erubꞌʉta jidadꞌaya Cristo bawarauba, izhi zuburiadꞌa kĩrãkꞌa zuburiadꞌara Daizezebara Cristo bawara bia bꞌʉya.