Hechos 20:31 - Porciones del Nuevo Testamento

³¹ Maʉ̃ba kĩrãkuita bꞌeaudua, bude bꞌeaudua mʉãrã año ũbea diamase ewaridꞌe daubꞌadꞌe ũrãgꞌa tau ẽã bꞌadꞌata marã abꞌa abꞌakꞌa.

Hechos 20:31 ပူးပေါင်းရင်းမြစ်များ

Mateo 13:25

Mawũãmina jõma kꞌãĩgue nʉmʉne izhi jura bꞌʉta zepe trigo podꞌapeadꞌadꞌe chirua kꞌazhiruata pope wãsia.

Mateo 3:7

Fariseorãta saduceorãta izha bio ũdubʉrʉta izha buru kꞌoemarẽã zebʉdadꞌera ʉ̃kʉrʉa mawũãsia: Marã bia ẽãta bꞌeba dãmata neãrã bara bꞌe kĩrãkꞌa bꞌea. ¿Mawũã bꞌeta kꞌaiba ẽdrʉdꞌaya asi Daizezeba kĩrũbiba pua kꞌawua okuaita ʉ̃rʉ̃ badꞌebara?

Lucas 21:36

Mawũẽ kĩrãkuita bꞌeaudua, baridu ʉ̃madaudꞌe zhiwidꞌi bꞌeaudua, aramaʉ̃ne ẽdrʉdꞌaitrʉ bꞌeaudua ne bio mawũã menajacha bʉsadꞌewaidꞌera. Mawũãrã kꞌãrẽã peradꞌai ne ẽã kꞌobꞌeaya mʉ Beubari Bape bꞌadꞌa kĩrãbita.

Hechos 19:10

Aramaʉ̃ne bꞌasia año ũme, mawũẽ Asia druadꞌe bꞌebara jõmaʉ̃ba judíorãba, griegorãba bedꞌeara ũrĩkꞌawasidꞌa Nokꞌo Jesúsdꞌera.

Hechos 19:8

De zhi jʉrebada maẽ Pablo edꞌa wãpe wãnigua bedꞌea bꞌʉta jedꞌekꞌo ũbea basia. Ĩjãbigayidꞌe jara bꞌasia Daizezeta Nokꞌodꞌebemata.

Hechos 20:11

Pablora wakusa wãrĩzepe Jesús bebu krĩcha pan pewa kꞌodꞌape bedꞌeasia ʉ̃nadrʉyeedꞌa, mobe wãsia.

Hechos 20:19

Mʉãrã Nokꞌo Jesúsba jara bꞌʉta ibiadꞌe aribꞌae bꞌʉa, aramaʉ̃ne daubꞌa biodꞌe zuburia nʉmʉã bea krĩña bꞌeba judíorãba.

Hechos 20:7

Semana ewarita nabemata domingodꞌe Jesúsdꞌebema ĩjã bꞌera ãba tabꞌasia Jesús bebu krĩcha pan pewa kꞌodꞌaita, maʉ̃nerã Pablora nrũẽma wãĩ baraba miã ũrãgꞌa nʉmʉne ewari ẽsadra basia.

Hechos 24:17

Mʉrã drua ãĩ año ʉ̃kʉrʉ nimibape plata diadꞌe zesia mʉrãta zuburia bꞌea, dewara Daizezea diadꞌe zesia nendʉwʉrʉta.