Hechos 20:24 - Porciones del Nuevo Testamento

²⁴ Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.

Hechos 20:24 ပူးပေါင်းရင်းမြစ်များ

Lucas 16:28

Mʉãrã mebẽrãta juesoma erubꞌʉa, mawũẽ maʉ̃rãã jaradꞌe zokꞌadua, aramaʉ̃ne ãzhisidꞌa zedꞌa ẽbamarẽã nama kꞌãwũã zuburia nʉmʉ maẽ.

Juan 15:27

Marãbidꞌa mʉnebemata jaradꞌaya, mʉ bawara bꞌeadꞌaba jẽde wedꞌauba.

Juan 17:4

Mʉãrã bʉra zhi zromata kꞌawuabiga nʉmʉã naʉ̃ druadꞌe, aramaʉ̃ne mʉãrã jõbibʉrʉa kꞌãrẽ omarẽã bʉa mʉãã diadꞌata.

Hechos 1:17

Izhira dazhirãnebema basia, mawũẽ obꞌasia dazhirãba obꞌeta.

Hechos 11:23

Maʉ̃ta jũẽbʉrʉdꞌera ũdusia Daizezeba izhi biaba bia edakuata, mawũẽ sobiape jõmaʉ̃ã jarasia soidꞌu bꞌeamarẽã Daizeze ũme.

Hechos 13:25

Juanbara izha onʉmʉta jõbibodꞌodꞌera mawũãsia: ¿Marãbara mʉrã kꞌaita krĩcha bꞌe? Mʉrã zhãrã Ẽdrʉbita bꞌʉ ẽã. Mawũãmina iabꞌa mʉ kꞌaidꞌu urua, nezokꞌaba obari kĩrãkꞌara mʉãrã ẽnaĩne bꞌʉ ẽã maʉ̃ba jẽrũne jʉ̃ bꞌʉra.

Hechos 14:3

Mawũẽ Pablora Bernabéra mama ewari dããrã panebʉdata Daizezeta krĩcha wãnigua bedꞌea panesia, maʉ̃nerã Daizezebara kꞌawuabiga nʉmasia bedꞌeara izhi biaba jarabiga nʉmʉkꞌãrĩta, mawũẽ obiga nʉmasia ũdudꞌakꞌata.

Hechos 15:7

Dããrã bedꞌeabʉdadꞌe Pedrota piradrʉpe mawũãsia: Mebẽrã, sãwũã dããrã bata marãbara kꞌawua bꞌea, mʉrã Daizezebara jʉrʉsia judíorã ẽãba mʉ idꞌeba Jesúsdꞌebema bedꞌea biata ũrĩnape ĩjãnamarẽã.

Hechos 18:5

Sila, Timoteo Macedonianeba zebʉdadꞌera Pablora jipa bedꞌeata jara bꞌesia, judíorãã jara bꞌasia Jesúra zhãrã Ẽdrʉbita.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 20:23

Mʉã kꞌawua bꞌʉra Jawurebiaba pʉwʉrʉ jõmaʉ̃ne mʉãã jara bꞌʉa mʉrã cárceldꞌe bꞌaita, zuburia bꞌaita.

Hechos 20:32

Kꞌõbebʉrʉ mebẽrã mʉã marã chãbꞌariya Daizezea, bedꞌeata izhi biaba jarabi nʉmʉkꞌãrĩã chãbꞌariya, izhara zareata erubꞌʉa marã soidꞌu bꞌeabiita, marãã dedꞌekaya izha diaita jaradꞌara izhidꞌeta duanuna jõmaʉ̃ã.

Hechos 21:13

Mawũãmina Pablobara panaʉ̃ mawũãsia: ¿Kꞌãrẽta odꞌaipe jẽgabʉdaba mʉ sopuabi kꞌobꞌebara? Mʉrã bari zhi jʉ̃bigaidꞌe bꞌʉ ẽã, awuarabʉrʉ Jerusalénne beuisidꞌa bꞌʉa Nokꞌo Jesús kꞌarea.

Hechos 22:21

Mʉã mawũãĩ mawũãsia: Wãrũã, mʉã bʉra wawara zokꞌaya judíorã ẽãma.

Hechos 9:15

Mawũãĩ Nokꞌobara mawũãsia: Wãrũã, maʉ̃ mʉã jʉrʉsia mʉnebemata jarakꞌa wãmarẽã judío ẽãta bꞌea, reyrãta bꞌea, Israel bꞌea.

Romanos 11:6

Izhi biaba jʉrʉbʉrʉra jʉrʉbʉrʉ ẽã kꞌãrẽ obʉrʉba. Kꞌãrẽ obʉrʉba jʉrʉra ya izhi biaba jʉrʉbʉrʉ ẽã.

Romanos 4:4

Iabꞌa trajadꞌata pagꞌabʉdadꞌera bari diabada ẽã, awuarabʉrʉ diabada izhi trajadꞌabari.