Hechos 20:21 - Porciones del Nuevo Testamento

²¹ Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 20:21 ပူးပေါင်းရင်းမြစ်များ

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Mateo 4:17

Maʉ̃ ewaridꞌeba Jesús miã ũrãgꞌa jʉ̃drʉbʉrʉta mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Marcos 1:15

Maʉ̃nerã mawũãsia: Ewarira arabata Daizezeta Nokꞌodꞌebema kꞌaita basia. Mawũẽ kꞌazhiruara ãmape Daizezeta pẽwãũdua, izhidꞌebemata ĩjãũdua bedꞌea biata.

Marcos 6:12

Jesúsba jʉrʉkuadꞌara wãnape zhãrã bꞌea jara jʉ̃drʉsidꞌa kꞌazhiruara ãmape Daizezeta pẽwãnamarẽã.

Lucas 13:3

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 13:5

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 15:10

Mʉã marãã jaraya, aramaʉ̃ kĩrãkꞌa ángelerã Daizezedꞌera sobiadꞌaya kꞌazhirua omiã abꞌaʉba kꞌazhiruara ãmape Daizezeta pẽwãbʉrʉ kꞌarea.

Lucas 15:7

Mʉã marãã jaraya, aramaʉ̃ kĩrãkꞌa ʉ̃trera audre sobiadꞌaya kꞌazhirua omiã abꞌaʉba kꞌazhiruara ãmabʉrʉta Daizezeta pẽwãbʉrʉ kꞌarea. Noventa y nueve biarãta Daizeze pẽwã bꞌe kꞌãñabara.

Lucas 16:28

Mʉãrã mebẽrãta juesoma erubꞌʉa, mawũẽ maʉ̃rãã jaradꞌe zokꞌadua, aramaʉ̃ne ãzhisidꞌa zedꞌa ẽbamarẽã nama kꞌãwũã zuburia nʉmʉ maẽ.

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 3:36

Zhi Warradꞌebemata ĩjã bꞌʉbara erubꞌʉa Daizeze ũme bꞌai jõ ẽãta, mawũãmina zhi Warradꞌebemata ĩjã ẽãbara erubꞌa ẽã Daizeze ũme bꞌai jõ ẽãrã, awuarabʉrʉ Daizezeba kĩrũbiba pua kꞌawua oya.

Hechos 10:43

Maʉ̃ Jesúsdꞌebemata jarasidꞌa Daizezeba bedꞌeata jarabibarirã jõmaʉ̃ba, jarasidꞌa jõma izhidꞌebemata ĩjãbʉdara kꞌazhiruata biodꞌebara bedꞌea ne ẽã duaneĩta izhidꞌeba.

Hechos 11:18

Maʉ̃ta ũrĩbʉdadꞌera chupeadꞌape Daizeze ibia jara mawũãsidꞌa: ¡Mawũẽ Daizezebara idaribibʉrʉa judío ẽãta bꞌebidꞌa kꞌazhiruara ãmape izhita pẽwãnamarẽã, aramaʉ̃ne jidadꞌamarẽã izhi ũme bꞌai jõ ẽãta!

Hechos 16:31

Mawũãĩ ãzhara mawũãsidꞌa: Ĩjãrũã Nokꞌo Jesucristodꞌebemata, mawũãrã ẽdrʉya bʉta bʉzhi dedꞌabema bawara.

Hechos 17:30

Mawũãmina Daizezebara nawedꞌara idaribisia izhidꞌebema kꞌawuadꞌa ẽãba kꞌãwũã bꞌera, idꞌibai baridu maẽ zhãrã jõmaʉ̃ã jara bꞌʉa kꞌazhiruara ãmape izhita pẽwãnamarẽã.

Hechos 19:17

Maʉ̃ta Éfeso pʉwʉrʉdꞌe bꞌebara jõmaʉ̃ba kꞌawuasidꞌa judíorãba, griegorãba, ãzhira jõma perasidꞌa. Aramaʉ̃ne bia jarasidꞌa Nokꞌo Jesúra.

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Hechos 2:40

Pedrobara dewara bedꞌea bio jarakꞌa ũrãgꞌa mawũãsia: ¡Marã Daizezea ẽdrʉbiudua kꞌãwũã bia ẽãta bꞌedꞌebara!

Hechos 20:23

Mʉã kꞌawua bꞌʉra Jawurebiaba pʉwʉrʉ jõmaʉ̃ne mʉãã jara bꞌʉa mʉrã cárceldꞌe bꞌaita, zuburia bꞌaita.

Hechos 20:24

Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.

Hechos 24:24

Ewari tẽãne Félix zhi kĩma Drusila ũme zesia, zhi kĩma judía basia. Maʉ̃nerã Pablo trʉ̃pe ũrĩsia Jesucristodꞌebema ĩjã bꞌedꞌebemata.

Hechos 26:18

Aramaʉ̃ne mʉ bedꞌea wãrãta kꞌawuabʉdaba dabʉ ewekuamarẽã, pãrĩguadꞌe bꞌeadꞌata aramaʉ̃ne bꞌeaya ʉ̃nane, ãtõmiã zarea edre bꞌeadꞌata aramaʉ̃ne zedꞌaya Daizezema. Aramaʉ̃ne mʉnebemata ĩjãbʉdaba Daizezebara bedꞌea ne ẽã duanebiya kꞌazhiruata biodꞌeba, aramaʉ̃ne bꞌeaya izhidꞌeta bꞌedꞌebemata.

Hechos 26:20

Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Hechos 8:25

Ãzhara Jesúsdꞌebemata zhãrãã nebʉrʉdꞌape Daizeze bedꞌeata jaradꞌape wakusa Jerusalénʉẽna wãsidꞌa. Maʉ̃nerã Samariadꞌe pʉwʉrʉ zake tabꞌe maẽ jarasidꞌa Jesúsdꞌe bedꞌea biara.

Romanos 1:14

Estudiadꞌata bꞌea, estudiadꞌa ẽãta bꞌea, krĩcha erubꞌea, krĩcha ne ẽã bꞌea mʉãrã jaraibara bedꞌea biara.

Romanos 1:16

Mʉrã pera ẽã Jesúsdꞌebema bedꞌea biata jaraira, maʉ̃ Daizeze zareata jõma zhi ĩjãbʉdata ẽdrʉidꞌebema judíorãta judíorã ẽãta.

Romanos 10:9

Bʉzhi iba Jesústa Nokꞌota jarara, Daizezeba beudꞌata piradrʉbidꞌata sodꞌeba ĩjãrã bʉra ẽdrʉya.

Romanos 2:4

¿O bʉma seri ẽka izha kꞌãbãẽã sozuburia nʉmʉba zrogꞌa bꞌʉra, bʉara kꞌawua ẽã nʉmʉ ẽka izhara sozuburia bꞌʉta kꞌazhiruara ãmape izhita pẽwãmarẽã?

Romanos 4:24

Awuarabʉrʉ dazhirãsidꞌa abꞌarika bedꞌea ne ẽã duanukꞌãrĩã dazhirãbara izhidꞌebema ĩjã bꞌeba beudꞌata piradrʉbidꞌata Jesús dazhirã Nokꞌota.

Romanos 5:1

Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba.