Hechos 2:40 - Porciones del Nuevo Testamento

⁴⁰ Pedrobara dewara bedꞌea bio jarakꞌa ũrãgꞌa mawũãsia: ¡Marã Daizezea ẽdrʉbiudua kꞌãwũã bia ẽãta bꞌedꞌebara!

Hechos 2:40 ပူးပေါင်းရင်းမြစ်များ

Mateo 12:34

Marã dãma neãrã bara bꞌe kĩrãkꞌa bꞌea. ¿Sãwũã biata bedꞌeadꞌaipe bia ẽãta bꞌera? Sodꞌe nʉmʉkꞌãrĩta jara bꞌʉa ibara.

Mateo 16:4

Marã bia ẽãba Daizezedꞌebema ĩjã ẽã bꞌeta jara bꞌea ũdubimarẽã ũdudꞌakꞌata, mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Daizezeba bedꞌeata jarabibarita Jonás berabꞌaridꞌa kĩrãkꞌabʉrʉ. Mawũãpe ãmaẽkuabʉrʉta wãsia.

Mateo 17:17

Mawũãĩ Jesúsbara panaʉ̃ mawũãsia: ¡Marã soidꞌu duanu ẽãta bia ẽãta bꞌea! ¿Mʉrã sõmbeedꞌa marã bawara bꞌaipe? ¿Mʉãrã sõmbeedꞌa zrogꞌa nʉmaĩpe? Weudua naĩnu.

Mateo 23:33

¡Marã dãma bia ẽãta bꞌe kĩrãkꞌa bꞌea! ¿Sãwũã ẽdrʉdꞌaipe Daizezeba tebʉdꞌe buekuaidꞌebara?

Marcos 8:38

Iabꞌa mʉ kꞌarea mʉ bedꞌea kꞌarea pera bꞌʉta kꞌazhirua omiãrãta wawiaba mawũã bꞌaibʉrʉ, mʉ Beubari Bape bꞌadꞌabara maʉ̃ mʉrẽ ẽã aya mʉ zebʉrʉdꞌera mʉ Zeze zareaedꞌa izhi ángelerã bawara.

Lucas 16:28

Mʉãrã mebẽrãta juesoma erubꞌʉa, mawũẽ maʉ̃rãã jaradꞌe zokꞌadua, aramaʉ̃ne ãzhisidꞌa zedꞌa ẽbamarẽã nama kꞌãwũã zuburia nʉmʉ maẽ.

Lucas 21:36

Mawũẽ kĩrãkuita bꞌeaudua, baridu ʉ̃madaudꞌe zhiwidꞌi bꞌeaudua, aramaʉ̃ne ẽdrʉdꞌaitrʉ bꞌeaudua ne bio mawũã menajacha bʉsadꞌewaidꞌera. Mawũãrã kꞌãrẽã peradꞌai ne ẽã kꞌobꞌeaya mʉ Beubari Bape bꞌadꞌa kĩrãbita.

Juan 21:25

Dewara ne bio bꞌʉa Jesúsba odꞌara. Maʉ̃ta abꞌa abꞌaʉdꞌe bꞌʉsidꞌabʉrʉ mʉma ẽjũãnerã ara ẽbakꞌausia libro bꞌʉkuadꞌara. Amén.

Hechos 10:42

Daira zokꞌakuasia zhãrãã jaradꞌamarẽã izhira Daizezebara bedꞌea araa obarita bꞌidꞌapʉta zokꞌai bꞌerãĩta beudꞌarãĩta.

Hechos 15:32

Judara Silara Daizezeba bedꞌeata jarabibarirãta panʉba soidꞌu bꞌeamarẽã mebẽrã ũrãgꞌasidꞌa bedꞌeata bioba.

Hechos 20:11

Pablora wakusa wãrĩzepe Jesús bebu krĩcha pan pewa kꞌodꞌape bedꞌeasia ʉ̃nadrʉyeedꞌa, mobe wãsia.

Hechos 20:2

Maʉ̃ druadꞌera pʉrrʉasia, aramaʉ̃ne mebẽrã soidꞌu bꞌeamarẽã ũrãgꞌape zesia Grecia druaedꞌa.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 20:24

Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.

Hechos 20:9

Kũrãta Eutico abadata kꞌãbãẽã dapea wuedꞌa jewedꞌa bꞌasia, Pablo dããrã bedꞌea nʉmʉba dapeaba kꞌãĩtotosia, mawũẽ kʉdꞌa ʉ̃rʉ̃bemata ũbeaidꞌuba udogꞌota jiraedasidꞌa zhi beumata.

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.

Hechos 4:36

Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia.