Hechos 2:38 - Porciones del Nuevo Testamento

³⁸ Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Hechos 2:38 ပူးပေါင်းရင်းမြစ်များ

Mateo 28:19

Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Mateo 3:6

Jordán dodꞌe Juanʉã zhi buru kꞌoebisidꞌa ãzhi kꞌazhiruata jara.

Mateo 4:17

Maʉ̃ ewaridꞌeba Jesús miã ũrãgꞌa jʉ̃drʉbʉrʉta mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Marcos 1:15

Maʉ̃nerã mawũãsia: Ewarira arabata Daizezeta Nokꞌodꞌebema kꞌaita basia. Mawũẽ kꞌazhiruara ãmape Daizezeta pẽwãũdua, izhidꞌebemata ĩjãũdua bedꞌea biata.

Marcos 16:16

Mʉnebemata ĩjãpe buru kꞌoebʉrʉra ẽdrʉya, mawũãmina zhi ĩjã ẽãrã aduaya.

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Lucas 3:10

Mawũãĩ zhãrãbara widꞌi mawũãsidꞌa: Mobera daibara ¿kꞌãrẽta odꞌaipe?

Hechos 10:43

Maʉ̃ Jesúsdꞌebemata jarasidꞌa Daizezeba bedꞌeata jarabibarirã jõmaʉ̃ba, jarasidꞌa jõma izhidꞌebemata ĩjãbʉdara kꞌazhiruata biodꞌebara bedꞌea ne ẽã duaneĩta izhidꞌeba.

Hechos 10:48

Aramaʉ̃ne buru kꞌoedꞌamarẽã jarasia Nokꞌo Jesús trʉ̃neba. Maʉ̃nerã Pedroa zuburia bedꞌeasidꞌa bꞌemarẽã ewari ʉ̃kʉrʉedꞌa.

Hechos 13:38

Mawũẽ mebẽrã naʉ̃ta kꞌawuaudua: Marãã jara panʉã Daizezebara Jesúsdꞌeba bedꞌea ne ẽã bꞌʉita kꞌazhiruata biodꞌeba.

Hechos 16:15

Aramaʉ̃ne zhi mebẽrã bawara buru kꞌoepe daia zuburia bedꞌea mawũãsia: Marãma mʉã Nokꞌo Jesúsdꞌebemata wãrĩnu ĩjãbʉrʉ mʉ dedꞌa audua. Aramaʉ̃ne daira duanebisia.

Hechos 17:30

Mawũãmina Daizezebara nawedꞌara idaribisia izhidꞌebema kꞌawuadꞌa ẽãba kꞌãwũã bꞌera, idꞌibai baridu maẽ zhãrã jõmaʉ̃ã jara bꞌʉa kꞌazhiruara ãmape izhita pẽwãnamarẽã.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 22:16

Mawũẽ ¿bʉra kꞌãrẽã pi kꞌobꞌaipe? Piradrʉrua, buru kꞌoedua, bʉra kꞌazhiruata biodꞌebara bedꞌea ne ẽã bꞌʉmarẽã izhaa jaradua.

Hechos 26:18

Aramaʉ̃ne mʉ bedꞌea wãrãta kꞌawuabʉdaba dabʉ ewekuamarẽã, pãrĩguadꞌe bꞌeadꞌata aramaʉ̃ne bꞌeaya ʉ̃nane, ãtõmiã zarea edre bꞌeadꞌata aramaʉ̃ne zedꞌaya Daizezema. Aramaʉ̃ne mʉnebemata ĩjãbʉdaba Daizezebara bedꞌea ne ẽã duanebiya kꞌazhiruata biodꞌeba, aramaʉ̃ne bꞌeaya izhidꞌeta bꞌedꞌebemata.

Hechos 26:20

Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Hechos 5:31

Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.

Hechos 8:12

Mawũãmina bedꞌea biata Daizezeta Nokꞌodꞌebemata Jesucristodꞌebemata Felipeba jarabʉrʉra ĩjãnape buru kꞌoesidꞌa zhũmakĩrãrãta, wũẽrãrãta.

Hechos 8:20

Mawũãĩ Pedroba mawũãsia: Bʉ platara bʉzhi ũme tebʉdꞌe wãña, zareata Daizezeba bari dia bꞌʉta plataba edabadata krĩchabʉrʉdꞌeba.

Romanos 6:3

¿Kꞌawuadꞌa ẽka buru kꞌoedꞌadꞌeba bꞌeta Jesucristodꞌebemata, aramaʉ̃ne duanu ẽka izhi ũme beudꞌata?