Hechos 2:37 - Porciones del Nuevo Testamento

³⁷ Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?

Hechos 2:37 ပူးပေါင်းရင်းမြစ်များ

Lucas 3:10

Mawũãĩ zhãrãbara widꞌi mawũãsidꞌa: Mobera daibara ¿kꞌãrẽta odꞌaipe?

Lucas 3:12

Rey Romanebemaĩta plata widꞌibadata ʉ̃kʉrʉ buru kꞌoebidꞌaita zedꞌape mawũãsidꞌa: Miã ũrãgꞌabari, daibara ¿kꞌãrẽta odꞌaipe?

Lucas 3:14

Soldaorãbidꞌa ʉ̃kʉrʉba widꞌi mawũãsidꞌa: Kꞌõbe daibara ¿kꞌãrẽta odꞌaipe? Mawũãnaĩ mawũãsia: Plata jãrĩnaĩ kꞌarea zhãrãta waragꞌarãũdua, plata kꞌarea zhãrãta sewa nebʉrʉ jirãũdua. Awuarabʉrʉ sobia duanadua mazhi pagꞌa panʉ plataba.

Juan 8:9

Mawũãmina ãzhara maʉ̃ta ũrĩnape kꞌazhirua bara bꞌeta kꞌawua bꞌeba abꞌa abꞌaʉdꞌe ãĩ wãsidꞌa, naara ãĩ wãsidꞌa zõrãrãta, maʉ̃are kũrãrãta. Aramaʉ̃ne Jesús dobꞌa kꞌobꞌesia, wũẽrãsidꞌa kꞌobꞌesia miõ ẽsadra kꞌobꞌedꞌata.

Hechos 1:16

Mebẽrã, zhi bꞌʉmata arimaẽ berabꞌariita bara basia Jawurebiaba rey David idꞌeba jaradꞌata Judadꞌebemata, mawũẽ arimaẽ jʉre edesia Jesús jidadꞌapeadꞌara.

Hechos 22:10

Mʉãrã mawũãsia: ¿Mʉãrã kꞌãrẽta oipe Nokꞌó? Mʉã mawũãĩ Nokꞌobara mawũãsia: Piradrʉpe Damascoedꞌa wãrũã, mama jõma jaradꞌaya bʉa kꞌãrẽ oita.

Hechos 5:33

Ãzhara maʉ̃ta ũrĩnape kĩrũbiba jarirã bea krĩñasidꞌa.

Hechos 7:54

Maʉ̃ta ũrĩnape kidꞌa kꞌõsesea sodꞌeba kĩrũsidꞌa izhi ʉ̃rʉ̃.

Romanos 7:9

Mʉã Moisé ũrãgꞌa kꞌawua ẽã bꞌasidꞌera mʉrã adu-a bꞌasia. Mawũãmina kꞌawuabʉrʉdꞌera mʉãrã kꞌazhiruara wuaabʉrʉ okrĩñasia, mawũẽ mʉrã aduaita beui basia.