Hechos 2:27 - Porciones del Nuevo Testamento

²⁷ Bʉara mʉ jawurera ãmaẽ ẽã beudꞌata bꞌe maẽrã, mʉrã bʉ nezokꞌa kĩrãẽpa bꞌʉra bꞌerawabi ẽã.

Hechos 2:27 ပူးပေါင်းရင်းမြစ်များ

Mateo 11:23

Capernaúm pʉwʉrʉdꞌe bꞌera ʉ̃taa wãĩta krĩcha bꞌedꞌe Daizezebara pepekuaya beudꞌapeadꞌata zuburia bꞌeabiima. Sodoma pʉwʉrʉdꞌe ũdudꞌakꞌata osibʉrʉ mʉã marã maẽ odꞌata osibʉrʉ idꞌi basiidꞌu bꞌeakꞌausia.

Marcos 1:24

¿Bʉra dai bawara kꞌãrẽta sãwũã bꞌʉ Jesús Nazaredꞌebema? ¿Bʉra zebʉrʉka dai ãrĩĩta? Bʉra kꞌaita mʉã kꞌawua bꞌʉa, bʉra Daizezedꞌea.

Lucas 1:35

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Lucas 16:23

Tebʉdꞌe zuburia kꞌobꞌʉba wawarauba ũdusia Abrahamta, Lázarosidꞌa ũdusia Abraham maẽ.

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Lucas 4:34

Daira idaribirua. ¿Bʉra dai bawara kꞌãrẽta sãwũã bꞌʉ Jesús Nazaredꞌebema? ¿Bʉra zebʉrʉka dai ãrĩĩta? Bʉra kꞌaita mʉã kꞌawua bꞌʉa, bʉra Daizezedꞌea.

Juan 11:39

Mawũẽ Jesúsbara mawũãsia: Mongꞌara ãĩ edaudua. Maʉ̃ne Marta zhi beudꞌa nawekꞌaubara mawũãsia: Nokꞌó, ya ʉ̃siasia ewari kĩmarẽ basi baera.

Hechos 2:26

Maʉ̃ba mʉrã sobia bꞌʉa, bꞌʉsridꞌa trʉ̃ã bꞌʉa, adu-a bꞌʉa.

Hechos 2:28

Bʉara mʉãã kꞌawuabisia mʉrã wakusa zokꞌai bꞌaita, bʉa mʉrã sobia bꞌabiya mʉ ũme bꞌʉba. (Salmos 16:8-11)

Hechos 2:31

Mawũã na wedꞌauba kꞌawua bꞌʉba jarasia beudꞌata piradrʉita zhãrã Ẽdrʉbira, aramaʉ̃ne izhi jawurera ãmaẽna ẽãta beudꞌata bꞌe maẽrã, miã izhi kꞌakuara bꞌerawa ẽãta.

Hechos 3:14

Aramaʉ̃ne marãbara ẽnabidꞌa ẽbasia Bedꞌea Ne Ẽãta Biata Bꞌʉra, awuarabʉrʉ ẽnamarẽã widꞌisidꞌa miã beamiãta.

Hechos 4:27

Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata.