Hechos 2:24 - Porciones del Nuevo Testamento

²⁴ Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera.

Hechos 2:24 ပူးပေါင်းရင်းမြစ်များ

Mateo 27:63

mawũãsidꞌa: Nokꞌó, daibara bude basidꞌa jari sewa nebʉrʉmiãbara zokꞌai bꞌasidꞌera mawũãsia: Mʉrã ewari ũbeadꞌe beudꞌata piradrʉya.

Juan 10:18

Mʉrã miõba beadꞌa ẽã, awuarabʉrʉ mʉrã mʉzhi biaba beuya. Mʉãrã erubꞌʉa beui zareara, mʉãrã erubꞌʉa wakusa piradrʉi zareara. Maʉ̃ta omarẽã jarasia mʉ Zezeba.

Juan 10:35

Mawũã dai zezerãta jarasia izha bedꞌeata jarakꞌadꞌata, maʉ̃ta zhi bꞌʉmarã mawũã ẽã abꞌedꞌa ẽã.

Juan 12:39

Maʉ̃neba ĩjã bꞌedꞌa ẽbasia, maʉ̃ẽnabemata Isaíabara dewara mawũãsia:

Juan 20:9

Maʉ̃ẽnabema wadꞌi sãwũãta kꞌawuadꞌa ẽãrã zhi bꞌʉmata, Jesús mawũã beudꞌata piradrʉi bara basia.

Hechos 1:16

Mebẽrã, zhi bꞌʉmata arimaẽ berabꞌariita bara basia Jawurebiaba rey David idꞌeba jaradꞌata Judadꞌebemata, mawũẽ arimaẽ jʉre edesia Jesús jidadꞌapeadꞌara.

Hechos 13:30

Mawũãmina Daizezebara beudꞌata piradrʉbisia.

Hechos 13:37

Mawũãmina jari beudꞌata Daizezeba piradrʉbidꞌara bꞌerawa ẽbasia.

Hechos 17:31

Mawũã jara bꞌʉa izha ewarita nʉmʉkꞌãrĩneba ẽjũãne bꞌera kꞌawua oita sãwũã oi bꞌʉdꞌe, mawũã oya Jesús izha jʉrʉdꞌadꞌeba, mawũã oita jõmaʉ̃ã kꞌawuabibʉrʉta beudꞌata piradrʉbisia.

Hechos 2:32

Maʉ̃ Jesúra beudꞌata piradrʉbisia Daizezeba, maʉ̃ dai jõmaʉ̃ba ũdusidꞌa.

Hechos 3:15

Aramaʉ̃ne beasidꞌa Daizeze ũme bꞌai jõ ẽãta dia bꞌʉta. Maʉ̃ Daizezebara beudꞌata piradrʉbisia, maʉ̃ daiba ũdusidꞌa.

Hechos 3:26

Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.

Hechos 4:10

Marã jõmaʉ̃ba Israel jõmaʉ̃ba kꞌawuaudua, Jesucristo Nazaredꞌebema trʉ̃neba marãba cruzdꞌe kꞌachi beabidꞌapeadꞌata Daizezeba beudꞌata piradrʉbidꞌa trʉ̃neba naʉ̃ mazhi kĩrãbita bꞌe bꞌidꞌa.

Hechos 5:30

Dazhirã zhibarirã bꞌeadꞌa Zhibariba Jesús piradrʉbisia marãba beadꞌapeadꞌata cruzdꞌe ʉ̃tʉ kꞌachi.

Romanos 10:9

Bʉzhi iba Jesústa Nokꞌota jarara, Daizezeba beudꞌata piradrʉbidꞌata sodꞌeba ĩjãrã bʉra ẽdrʉya.

Romanos 14:9

Cristora maʉ̃ kꞌarea beudꞌata piradrʉpe wakusa zokꞌai bꞌesia, aramaʉ̃ne bꞌesia beukuadꞌa Nokꞌota zokꞌai bꞌe Nokꞌota.

Romanos 4:24

Awuarabʉrʉ dazhirãsidꞌa abꞌarika bedꞌea ne ẽã duanukꞌãrĩã dazhirãbara izhidꞌebema ĩjã bꞌeba beudꞌata piradrʉbidꞌata Jesús dazhirã Nokꞌota.

Romanos 6:4

Buru kꞌoedꞌadꞌeba dazhira izhi ũme jou kꞌobꞌadꞌe wãsia, mawũẽ Cristo beudꞌata zhi Zezeba izhi zareaba piradrʉbidꞌa kĩrãkꞌa dazhisidꞌa piradrʉbisia zokꞌai nimibamarẽã zhiwidꞌidꞌe.

Romanos 8:11

Jawurebiata Jesús beudꞌata piradrʉbidꞌadꞌeta marãne edꞌa bꞌʉbʉrʉ, Jesucristo beudꞌata piradrʉbidꞌabara marã kꞌakua beuita bꞌʉra izhabꞌa piradrʉbiya izhi Jawurebiata bꞌʉdꞌeba marãne edꞌa.

Romanos 8:34

¿Kꞌaiba bedꞌea bara bꞌʉa aipe? Miõba bedꞌea bara bꞌʉa a ẽã Cristota dazhibari beudꞌaba. Beudꞌata piradrʉpe Daizeze juwua araare bꞌʉa, zhiwidꞌi bꞌʉa dazhirãbari.