Hechos 19:9 - Porciones del Nuevo Testamento

⁹ Mawũãmina ʉ̃kʉrʉbara ĩjãna ẽãba Jesús pẽwã bꞌera bĩ ẽã jara jirpanesia kꞌabana kĩrãbita. Mawũẽ Pablora ãzhi maẽbara wãbʉrʉta Jesúsdꞌebema ĩjã bꞌera jʉre edepe ewariza bedꞌea bꞌasia escuelata Tiranno abadadꞌe maẽ.

Hechos 19:9 ပူးပေါင်းရင်းမြစ်များ

Mateo 15:14

Idaribiudua, jipa ededꞌa ẽã Daizezedꞌebema kꞌawuadꞌa ẽãba daʉbꞌerrea bꞌe kĩrãkꞌa bꞌera. Daʉbꞌerrea bꞌʉba daʉbꞌerrea bꞌʉta erbꞌari edera abꞌarika bꞌaedꞌaya zobꞌeadꞌe.

Mateo 16:4

Marã bia ẽãba Daizezedꞌebema ĩjã ẽã bꞌeta jara bꞌea ũdubimarẽã ũdudꞌakꞌata, mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Daizezeba bedꞌeata jarabibarita Jonás berabꞌaridꞌa kĩrãkꞌabʉrʉ. Mawũãpe ãmaẽkuabʉrʉta wãsia.

Mateo 26:55

Maʉ̃nerã zhãrã kꞌobꞌea Jesúsbara mawũãsia: ¿Mʉrã nezrʉgamiã kĩrãkꞌa kuchoedꞌa bakuruedꞌa zebʉdakꞌa mʉ jidadꞌe? Mʉrã ewariza marã bawara jewedꞌa Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia.

Juan 12:40

Daizezebara mawũãsia: Ĩjãna ẽãba mʉãrã ãnatʉsia ãzhi dabʉra, zarea duanusia ãzhi sora, aramaʉ̃nerã ũdudꞌa ẽã dabʉbara, sãwũãta kꞌawuadꞌa ẽã sobara, miã kꞌazhiruara ãmape mʉ pẽwãna ẽã mʉã ẽdrʉbigaira. (Isaías 6:10)

Hechos 11:26

Mama año abꞌa zhi jʉre bꞌeasia mebẽrã bawara, aramaʉ̃ne zhãrã bio ũrãgꞌasidꞌa. Maʉ̃nerã Jesúsdꞌebema ĩjã bꞌera zhi trʉ̃gagꞌaita cristorãta trʉ̃gasidꞌa Antioquíadꞌera.

Hechos 14:4

Zhãrã pʉwʉrʉdꞌebema dra nʉmasia: Ʉ̃kʉrʉ nʉmasia judíorã bawara, ʉ̃kʉrʉ nʉmasia Jesúsba zokꞌakuadꞌa bawara.

Hechos 17:4

Aramaʉ̃ne ãzhirãnebema ʉ̃kʉrʉbara ĩjãnape ãba duanesia Pablo bawara Sila bawara. Abꞌarika bioba ĩjãsidꞌa griegorã Daizezeba jara bꞌʉta aribꞌae bꞌeba, dewara bio wũẽrãrã zhi zromarãba.

Hechos 19:23

Maʉ̃ ewadera kꞌãbãẽã kĩrũsidꞌa Jesúsdꞌebema pẽwã bꞌedꞌebemane.

Hechos 19:30

Pablora bedꞌeadꞌe wã krĩñasia zhãrã kꞌobꞌea, mawũãmina Jesúsdꞌebema ĩjã bꞌeba buedꞌa ẽbasia.

Hechos 20:31

Maʉ̃ba kĩrãkuita bꞌeaudua, bude bꞌeaudua mʉãrã año ũbea diamase ewaridꞌe daubꞌadꞌe ũrãgꞌa tau ẽã bꞌadꞌata marã abꞌa abꞌakꞌa.

Hechos 22:4

Mʉãrã pẽwã bꞌasia Jesúsdꞌebema ĩjã bꞌera beaita, jidakuape cárceldꞌe chãbꞌariita zhũmakĩrãrãta wũẽrãrãta.

Hechos 24:21

Awuarabʉrʉ ãzhi maẽ kꞌobꞌasidꞌera mʉãrã nemi jĩgua mawũãsia: Beudꞌapeadꞌata piradrʉdꞌaita mʉã ĩjã bꞌʉ kꞌarea marãbara idꞌi mʉrã kꞌãwũã jirpanʉã.

Hechos 28:22

Mawũãmina daibara ũrĩ krĩña kꞌobꞌea bʉ sãwũã krĩcha bꞌʉta. Jesús ũrãgꞌadꞌe bꞌera daibara kꞌawua bꞌea baridu maẽ bĩ ẽã jara bꞌeta.

Hechos 7:51

Mawũãnata jarape Estebanbara mawũãsia: ¡Marã kʉwʉrʉ zarea bꞌea! ¡Marãbara Daizeze bedꞌeara sodꞌebara aribꞌaedꞌa ẽã, ũrĩna ẽã! Marãbara Jawurebiaba jara bꞌʉra jipadꞌe aribꞌaedꞌa ẽã, mawũẽ mazhi zhibarirã bꞌeadꞌa kĩrãkꞌa bꞌea marãsidꞌa.

Hechos 9:2

Mobe kꞌarta widꞌisia de zhi jʉrebadata Damasco pʉwʉrʉdꞌe nʉmeza wãĩta, aramaʉ̃ne zhũmakĩrãrãta, wũẽrãrãta, Jesús pẽwã bꞌeta ũdura jidakua weita Jerusalénʉẽna.

Romanos 11:7

¿Aramaʉ̃nerã sãwũãpe? Israel bꞌera Daizezema bia nʉmeãĩta jʉrʉ bꞌeadꞌadꞌe duane ẽbasia. Mawũãmina izha jʉrʉkuadꞌara mawũã duanesia, waya wuaabema zarea duanesia.

Romanos 9:18

Aramaʉ̃ne Daizezebara izha sozuburia krĩñata sozuburia bꞌʉa, bedꞌea ũrĩ ẽã zarea nʉmabi krĩñata zarea nʉmabi bꞌʉa.