Hechos 19:21 - Porciones del Nuevo Testamento

²¹ Maʉ̃ tẽã Pablora krĩchasia Jerusalén pʉwʉrʉedꞌa wãĩta pʉrrʉadꞌa tẽã Macedonia druadꞌe, Acaya druadꞌe. Maʉ̃nerã mawũãsia: Mʉrã Jerusalénne bꞌape wãĩ baraya Roma pʉwʉrʉidꞌubidꞌa.

Hechos 19:21 ပူးပေါင်းရင်းမြစ်များ

Hechos 16:12

Mamaʉ̃ba wãsidꞌa Filipo pʉwʉrʉedꞌa, maʉ̃ pʉwʉrʉta wagꞌaua Macedonia druadꞌera, mama bꞌea Roma bidꞌarãta. Maʉ̃ pʉwʉrʉdꞌera daira duanasia ewari ʉ̃kʉrʉ.

Hechos 18:12

Maʉ̃ne Galión Acaya druadꞌe nokꞌota bꞌʉdꞌe judíorã krĩcha abꞌarika zekuasia Pablo bĩ ẽã odꞌaita, aramaʉ̃ne nokꞌorãma ededꞌape,

Hechos 18:21

Awuarabʉrʉ ãzhaa wãta jarape mawũãsia: Mʉrã edꞌa bꞌaibara Jerusalénne fiesta odꞌaidꞌe. Mawũãmina mʉrã wakusa marãma zeya Daizezeba krĩñabʉrʉ. Mawũãpe barcodꞌe wãsia Éfesodꞌebara.

Hechos 19:22

Aramaʉ̃ne Macedonia druaedꞌa zokꞌakuasia ũme izhi kꞌareba panʉta, maʉ̃rã panasia Timoteota, Erastota. Izhira ewari ʉ̃kʉrʉ bꞌesia Asia druadꞌe.

Hechos 19:29

Aramaʉ̃ne pʉwʉrʉdꞌebema kꞌawua ẽãkua dogꞌoba zhi jʉrebadaidꞌu piraposia jidadꞌape Gayota Aristarcota, maʉ̃rã Macedonia bidꞌarãta panasia Pablo kꞌaidꞌu.

Hechos 20:16

Pablobara krĩchasia Éfeso pʉwʉrʉra jipa berabꞌariita, aramaʉ̃ne dããrã ẽbaita Asia druadꞌe. Ĩñabasia nʉmasia jũẽ bꞌera Pentecosté ewade fiestadꞌe bꞌaita Jerusalénne.

Hechos 20:22

Kꞌõbebʉrʉ Jawurebiaba wãbibʉrʉba mʉrã Jerusalén pʉwʉrʉedꞌa wãña kꞌawua ẽãne mʉ maĩnu sãwũã berabꞌariira.

Hechos 21:17

Jerusalén pʉwʉrʉedꞌa zebʉdadꞌera mebẽrãbara daira bia edasidꞌa sobia.

Hechos 21:4

Jesúsdꞌebema ĩjã bꞌeta ũdudꞌape daira mama duanesia ewari siete. Maʉ̃rãbara Jawurebiadꞌeba Pabloa jarasidꞌa wãrĩze ẽbamarẽã Jerusalén pʉwʉrʉedꞌa.

Hechos 23:11

Maʉ̃ diamase Nokꞌo Jesús zhi ũdubipe mawũãsia: Pablo, wãniguarua, Jerusalénne bʉa mʉnebemata jarabʉrʉ kĩrãkꞌa kꞌãwũã jaraibara Romanebidꞌa.

Hechos 27:1

Daira Italia druaedꞌa barcodꞌe wãbidꞌaita krĩchabʉdadꞌera Pablota dewaraurã ʉ̃kʉrʉ jida erubꞌe bawara soldaorã nokꞌota Julioa chãbꞌarisidꞌa. Izhira soldaorã rey Augustodꞌeta tabꞌʉdꞌebema basia.

Hechos 27:24

Ángelbara mʉãã mawũãsia: Pablo perarãrũã, bʉra jũẽĩbara rey César kĩrãbita. Maʉ̃sidꞌa mawũãne bʉkꞌareuba Daizezebara jõma bꞌeabiya barcodꞌe bʉ bawara didꞌira.

Hechos 28:16

Romaĩnu jũẽkuabʉdadꞌera soldaorã nokꞌobara jidakua erubꞌera chãbꞌarisia soldaorã nokꞌota wagꞌaua. Mawũãmina Pablora awuara bꞌabibʉrʉta soldao abꞌaʉa akʉbi bꞌʉsia.

Romanos 1:11

Mʉã marã ũdu krĩña bꞌʉa Jawurebiadꞌebemata jaraita, aramaʉ̃ne jipa nʉmeãmarẽã.

Romanos 1:13

Mebẽrã, mʉã marãba kꞌawuadꞌaita krĩñata kꞌawuaudua mʉrã biodꞌe marãma wãza bꞌʉa, aramaʉ̃ne marãnebemabidꞌa Jesúsdꞌebemata ĩjãnamarẽã dewaraurã judíorã ẽãba ĩjãnapeadꞌa kĩrãkꞌa, mawũãmina idꞌi basiidꞌu wã bꞌe ẽã nʉmʉã.

Romanos 1:15

Mawũẽ mʉãrã Jesúsdꞌe bedꞌea biara marããbidꞌa kꞌadrʉabai jaraya marã bꞌea Romane.