Hechos 18:24 - Porciones del Nuevo Testamento

²⁴ Maʉ̃ẽna Éfeso pʉwʉrʉedꞌa zesia judío Apolo abadata Alejandría pʉwʉrʉdꞌebemata. Izhira bi-ia bedꞌea bꞌasia, bia kꞌawua bꞌasia Daizeze bedꞌea zhi bꞌʉmata.

Hechos 18:24 ပူးပေါင်းရင်းမြစ်များ

Mateo 13:52

Mawũãnaĩ izhara mawũãsia: Moisédꞌe ũrãgꞌa zõrãta jarabarita bꞌeba Daizezeta Nokꞌodꞌebemata ũrãgꞌa zhiwidꞌita kꞌawabʉdara de zhibari kĩrãkꞌa bꞌʉa, ne biata izhidꞌe maẽbara erbꞌaribaria ne zhiwidꞌita ne zhi zõrãta.

Lucas 24:19

Mawũãnaĩ izhara mawũãsia: ¿Kꞌãrẽta sãwũãsi? Mawũãĩ ãzhara mawũãsidꞌa: Jesús Nazaredꞌebemata Daizezeba bedꞌeata jarabibarita bꞌasia. Kꞌãrẽ oita bedꞌeata jaraita zhi zroma basia Daizeze kĩrãbita, zhãrã jõmaʉ̃ kĩrãbita.

Hechos 18:19

Éfeso pʉwʉrʉidꞌu jũẽbʉrʉdꞌera Pablobara mama ãzhira ãĩ tʉsia. Aramaʉ̃ne de zhi jʉrebada maẽ edꞌa wãpe Jesúsdꞌebemata jara bedꞌeasia judíorãã.

Hechos 18:21

Awuarabʉrʉ ãzhaa wãta jarape mawũãsia: Mʉrã edꞌa bꞌaibara Jerusalénne fiesta odꞌaidꞌe. Mawũãmina mʉrã wakusa marãma zeya Daizezeba krĩñabʉrʉ. Mawũãpe barcodꞌe wãsia Éfesodꞌebara.

Hechos 18:28

Jesúsdꞌebema ĩjãna ẽãneba jõmaʉ̃ daidꞌu zarea bedꞌeasia judíorãã, zhi bꞌʉmaneba kꞌawuabiga nʉmasia Jesúra zhãrã Ẽdrʉbita.

Hechos 19:1

Apolo Corinto pʉwʉrʉdꞌe bꞌʉdꞌera Pablora drua kꞌatuma bara nʉmene berabꞌarikua zesia Éfeso pʉwʉrʉedꞌa. Maʉ̃ne Jesúsdꞌebema ĩjã bꞌeta ũdukuai,

Hechos 27:6

Mama soldaorã nokꞌobara barco Alejandría pʉwʉrʉdꞌebemata ũdusia wãta Italia druaedꞌa. Mawũẽ daira bꞌaribisia maʉ̃ne.

Hechos 6:9

Maʉ̃ne ʉ̃kʉrʉ bꞌeasia de zhi jʉrebada maẽbemata, maʉ̃ dera Nezokꞌarãta Ẽzoadꞌadꞌea abazhidꞌa, dewara bꞌeasia Cirene druadꞌebemata, Alejandría pʉwʉrʉdꞌebemata, Cilicia druadꞌebemata, Asia druadꞌebemata, maʉ̃rãta kꞌaikꞌaiasidꞌa Esteban bawara.

Hechos 7:22

Mawũẽ Moiséa jõma kꞌawabisidꞌa krĩcha Egipto bidꞌarãnerã. Mawũẽ zhi zroma basia bedꞌeaita kꞌãrẽ oita.