Hechos 17:23 - Porciones del Nuevo Testamento

²³ Ne zhi zromarãne erubꞌeta akʉkua bʉsidꞌe mʉã ũdusia mongꞌara oma nʉmʉta, maʉ̃ma bedꞌeata bꞌʉ nʉmʉta mawũã bꞌasia: DAIZEZE ŨDUDꞌAKꞌAITABEMA. Ũdudꞌakꞌata marãba mawũã zhi zromane erubꞌeta mʉãrã maʉ̃ta marãã jara bꞌʉa.

Hechos 17:23 ပူးပေါင်းရင်းမြစ်များ

Mateo 15:9

Mʉrã bari ibia jara bꞌeba mʉ ũrãgꞌa kĩrãkꞌa jaradia bꞌea aribꞌaemarẽã jara bꞌeta beubari bꞌeba. (Isaías 29:13)

Juan 17:25

Zeze, bʉra biata bꞌʉa, ẽjũãne bꞌebara bʉra ũdukꞌawadꞌa ẽã, mawũãmina mʉã bʉra ũdukꞌawua bꞌʉa, naʉ̃rã mʉnebemata bꞌebara kꞌawuasidꞌa mʉrã bʉa zokꞌadꞌata.

Juan 17:3

Bꞌai jõ ẽãrã, bʉta ũdukꞌawadꞌaidꞌe bꞌʉa Daizezera abꞌabai bꞌʉta wãrĩnuta, ũdukꞌawadꞌaidꞌe bꞌʉa mʉta Jesucristota bʉa zokꞌadꞌata.

Juan 4:22

Marãbara Daizezera ibia jara bꞌeta izhidꞌebema sãwũãta kꞌawuadꞌa ẽã, daibara Daizezera ibia jara bꞌea izhidꞌebema sãwũãta kꞌawua bꞌeta, zhãrã Ẽdrʉbigaira uruba judíorãneba.

Juan 8:54

Mawũãnaĩ Jesúsbara panaʉ̃ mawũãsia: Mʉta mʉzhikusa bia jara nʉmaĩbʉrʉ, mawũã mʉzhita bia jara nʉmʉrã kꞌãrẽ ẽã. Mawũãmina mʉrã mʉ Zezeba bia jara bꞌʉa, izhira marãbara Daizezea abꞌea.

Hechos 17:30

Mawũãmina Daizezebara nawedꞌara idaribisia izhidꞌebema kꞌawuadꞌa ẽãba kꞌãwũã bꞌera, idꞌibai baridu maẽ zhãrã jõmaʉ̃ã jara bꞌʉa kꞌazhiruara ãmape izhita pẽwãnamarẽã.

Romanos 1:28

Mawũã bꞌebara Daizezedꞌebema kꞌawua krĩñana ẽãba Daizezebara chãbꞌarikuasia ãzhi krĩchara bia ẽãta nʉmeã, ãzhi kꞌawua odꞌamarẽã kꞌãrẽ o ẽbai bꞌʉta.