Hechos 17:18 - Porciones del Nuevo Testamento

¹⁸ Ʉ̃kʉrʉra epicúreo krĩchata pẽwã bꞌeta, estoico krĩchata pẽwã bꞌeta bedꞌeasidꞌa izhi bawara. Maʉ̃nerã ʉ̃kʉrʉbara mawũãsidꞌa: ¿Kꞌãrẽta jara krĩña bꞌʉba naʉ̃ bedꞌeamiãbara? Waya ʉ̃kʉrʉbara mawũãsidꞌa: Dazhima zhi zromarã eewabemata jarabaria. Mawũã bedꞌeasidꞌa Pabloba bedꞌea biata jarakꞌasi baera Jesús beudꞌata piradrʉdꞌata.

Hechos 17:18 ပူးပေါင်းရင်းမြစ်များ

Marcos 9:14

Kꞌatumaneba Pedrota, Jacobota, Juanta Jesús bawara zebʉdata dewaraurã izha jʉrʉkuadꞌata kꞌobꞌe maẽ zebʉrʉdꞌera, ũdusia maʉ̃rã kꞌabanaba bʉredrʉ nʉmʉta, ũrãgꞌa Moisédꞌe jarabadata bĩ ẽã bedꞌea kꞌobꞌeasia ãzhi bawara.

Lucas 11:53

Jesúsba maʉ̃ta jarabʉrʉdꞌera ũrãgꞌa Moisédꞌe jarabadara fariseorã bawara kꞌãbãẽã bĩ ẽãsidꞌa, mawũẽ bedꞌeata widꞌisidꞌa ne bio jara bedꞌeamarẽã.

Hechos 26:23

Jarasidꞌa zhãrã Ẽdrʉbira beui barata, beudꞌara naara izhita piradrʉita, aramaʉ̃ne Daizeze bedꞌeata ʉ̃nata jaraita judíorãta bꞌea, judíorã ẽãta bꞌea.

Hechos 4:2

Kĩrũsidꞌa zhãrãã jarabʉdaba beudꞌapeadꞌara piradrʉdꞌaita Jesús kĩrãkꞌa.

Hechos 5:42

Ewariza Daizeze dedꞌa ewara maẽ jara bꞌeasia deza jara bꞌeasia Jesucristodꞌebemata.

Hechos 6:9

Maʉ̃ne ʉ̃kʉrʉ bꞌeasia de zhi jʉrebada maẽbemata, maʉ̃ dera Nezokꞌarãta Ẽzoadꞌadꞌea abazhidꞌa, dewara bꞌeasia Cirene druadꞌebemata, Alejandría pʉwʉrʉdꞌebemata, Cilicia druadꞌebemata, Asia druadꞌebemata, maʉ̃rãta kꞌaikꞌaiasidꞌa Esteban bawara.

Romanos 1:22

Krĩcha banane bꞌedꞌe krĩcha ne ẽã bꞌea.