Hechos 17:1 - Porciones del Nuevo Testamento

¹ Anfípoli pʉwʉrʉdꞌe, Apolonia pʉwʉrʉdꞌe berabꞌari zesidꞌa Tesalónica pʉwʉrʉedꞌa. Mama nʉmasia de zhi jʉrebadata judíorãneta.

Hechos 17:1 ပူးပေါင်းရင်းမြစ်များ

Hechos 14:1

Iconio pʉwʉrʉdꞌera Pablora Bernabéra ãba edꞌa wãsidꞌa de zhi jʉrebadata judíorãne maẽ. Mobe bedꞌeabʉdadꞌera Jesúsdꞌebema kꞌabanaba ĩjãsidꞌa judíorãba, griegorãba.

Hechos 15:21

Maʉ̃nebema ũrãgꞌa Moisédꞌera pʉwʉrʉza jara panʉã de zhi jʉrebadata nʉme maẽ, mama le panʉã ewari ẽnaʉ̃badaza.

Hechos 16:13

Ẽnaʉ̃bada ewade daira pʉwʉrʉdꞌebara ãĩ wãsidꞌa doedꞌaa, daibara krĩchasidꞌa mama zhiwidꞌibadata bꞌʉta. Daira jewedꞌa duanepe Jesúsdꞌebemata jarasidꞌa wũẽrãrã zhi jʉre duanuã.

Hechos 17:10

Aramaʉ̃ta mebẽrãbara Pablo, Sila diamase buesidꞌa Berea pʉwʉrʉidꞌu. Jũẽnape edꞌa wãsidꞌa de zhi jʉrebadata judíorãne maẽ.

Hechos 17:11

Maʉ̃rã audre so borekea bꞌeasia Tesalónica pʉwʉrʉdꞌe bꞌe kꞌãñabara, mawũẽ bedꞌeata Jesúsdꞌebema ũrĩ krĩña ũrĩsidꞌa. Daizeze bedꞌeara ewariza lesidꞌa maʉ̃ jarabʉdara wãrĩnu kꞌawuaita.

Hechos 17:13

Judíorã Tesalónica pʉwʉrʉdꞌebemabara kꞌawuasidꞌa mawũã Berea pʉwʉrʉdꞌebidꞌa Daizeze bedꞌea jara nʉmʉta Pablobara, mawũẽ wãnape maĩnubidꞌa bĩ ẽãbisidꞌa kꞌabanata.

Hechos 20:4

Asia druaidꞌu kꞌopayasidꞌa Pirro warra Sópater Berea pʉwʉrʉdꞌebemaba, Aristarco dewara Segundo Tesalónica pʉwʉrʉdꞌebemaba, Gayo Derbe pʉwʉrʉdꞌebemaba, Timoteo, Tíquico, Trófimo Asia druadꞌebemarãba.

Hechos 27:2

Daira barco Adramitio pʉwʉrʉdꞌebemane bꞌarisidꞌa. Maʉ̃ barcora wã basia Asia druadꞌebema odedꞌaze za. Dai bawara bꞌasia Aristarco Tesalónica pʉwʉrʉdꞌebemata, maʉ̃ pʉwʉrʉra Macedonia druadꞌebema.