Hechos 16:9 - Porciones del Nuevo Testamento

⁹ Diamase Pablobara kꞌãĩmokꞌaradꞌe kĩrãkꞌa ũdubʉrʉta ũmakĩrã Macedonia bidꞌata edau nʉmʉba zuburia bedꞌea mawũãsia: Ya kĩrãrã Macedonia druaedꞌa zepe kꞌarebarua daira.

Hechos 16:9 ပူးပေါင်းရင်းမြစ်များ

Hechos 10:3

Maʉ̃bara kꞌãĩmokꞌaradꞌe kĩrãkꞌa a las tres dajada ne ũdubʉrʉta ángel Daizezedꞌeta izhi bꞌʉ maẽ edꞌa zepe mawũãsia: Cornelio.

Hechos 10:30

Mawũãĩ Corneliobara mawũãsia: Ewari kĩmarẽ babʉrʉa mʉ naʉ̃ ʉ̃madaudꞌe nekꞌo ẽã zhiwidꞌi bꞌadꞌata, a las tres mʉzhi dedꞌa zhiwidꞌi nʉmʉne mʉã ũdusia ũmakĩrãta mʉ kĩrãbita nʉmebʉrʉta wua ʉ̃nata jʉ̃ bꞌʉta.

Hechos 16:10

Kꞌãĩmokꞌaradꞌe kĩrãkꞌa mawũã ũdui, aramaʉ̃ta kĩrãrã wãnaĩne basia Macedonia druaedꞌa, aramaʉ̃ne wãrãne kꞌawuasidꞌa daira Daizezeba trʉ̃bʉrʉta maʉ̃rãã jaradꞌamarẽã Jesúsdꞌebema bedꞌea biata.

Hechos 16:12

Mamaʉ̃ba wãsidꞌa Filipo pʉwʉrʉedꞌa, maʉ̃ pʉwʉrʉta wagꞌaua Macedonia druadꞌera, mama bꞌea Roma bidꞌarãta. Maʉ̃ pʉwʉrʉdꞌera daira duanasia ewari ʉ̃kʉrʉ.

Hechos 18:5

Sila, Timoteo Macedonianeba zebʉdadꞌera Pablora jipa bedꞌeata jara bꞌesia, judíorãã jara bꞌasia Jesúra zhãrã Ẽdrʉbita.

Hechos 19:21

Maʉ̃ tẽã Pablora krĩchasia Jerusalén pʉwʉrʉedꞌa wãĩta pʉrrʉadꞌa tẽã Macedonia druadꞌe, Acaya druadꞌe. Maʉ̃nerã mawũãsia: Mʉrã Jerusalénne bꞌape wãĩ baraya Roma pʉwʉrʉidꞌubidꞌa.

Hechos 19:22

Aramaʉ̃ne Macedonia druaedꞌa zokꞌakuasia ũme izhi kꞌareba panʉta, maʉ̃rã panasia Timoteota, Erastota. Izhira ewari ʉ̃kʉrʉ bꞌesia Asia druadꞌe.

Hechos 19:29

Aramaʉ̃ne pʉwʉrʉdꞌebema kꞌawua ẽãkua dogꞌoba zhi jʉrebadaidꞌu piraposia jidadꞌape Gayota Aristarcota, maʉ̃rã Macedonia bidꞌarãta panasia Pablo kꞌaidꞌu.

Hechos 20:1

Zhãrã kĩrũ nʉmeãnata taubʉrʉdꞌera Pablobara Jesúsdꞌebema ĩjã bꞌeta trʉ̃pe ũrãgꞌakuasia, mobe burakua mʉrã wã ape wãsia Macedonia druaedꞌa.

Hechos 20:3

Mama jedꞌekꞌo ũbea bꞌape barcodꞌe Siria druaedꞌa wãĩne kꞌawuasia judíorãba bĩ ẽã odꞌaita bedꞌea ausidꞌata, mawũẽ jẽrũya wãĩta krĩchasia Macedoniãre.

Hechos 27:2

Daira barco Adramitio pʉwʉrʉdꞌebemane bꞌarisidꞌa. Maʉ̃ barcora wã basia Asia druadꞌebema odedꞌaze za. Dai bawara bꞌasia Aristarco Tesalónica pʉwʉrʉdꞌebemata, maʉ̃ pʉwʉrʉra Macedonia druadꞌebema.

Hechos 9:38

Lida pʉwʉrʉra Jope pʉwʉrʉ kꞌaitaba Jesúsdꞌebema ĩjã bꞌebara Pedro mama kꞌobꞌʉta ũrĩnaĩ, ũmakĩrãrã ũme zokꞌasidꞌa zuburia bedꞌea mawũãnamarẽã: Dããrã barãrũã daima zeita.

Romanos 15:26

Mebẽrã Macedonia druadꞌebemabara Acaya druadꞌebemabara bia obʉdata plata diabuebʉda mebẽrãnebema zuburia bꞌerãĩta Jerusalénne.