Hechos 16:17 - Porciones del Nuevo Testamento

¹⁷ Maʉ̃ wũẽrãta Pablo kꞌaidꞌu, dai kꞌaidꞌu taidꞌera baridua nemi jĩgua mawũã bꞌasia: Ũmakĩrãrã naʉ̃rã nezokꞌarãta Daizeze Ʉ̃trebemaneã, naʉ̃rãbara marãã jara panʉã ẽdrʉdꞌaidꞌebemata.

Hechos 16:17 ပူးပေါင်းရင်းမြစ်များ

Mateo 22:16

Mawũẽ ãzhi pẽwã bꞌeta rey Herode pẽwã bꞌe bawara izhima zokꞌabʉdata jarabuesidꞌa mawũãnamarẽã: Miã Ũrãgꞌabari, daiba kꞌawua bꞌedꞌera bʉara jara bꞌʉa wãrãta, aramaʉ̃ne wãrĩnuta jara bꞌʉa Daizeze ota. Bʉra krĩcha zhãrãneã zhi edebi ẽã bʉara akʉ ẽbaera zhãrãnebemata.

Mateo 8:29

Mawũẽ nemi jĩgua mawũãsidꞌa: ¿Dai bawara bʉra kꞌãrẽta sãwũã bꞌʉ Jesús Daizeze Warra? ¿Naĩnu zebʉrʉka dai zuburia oita ewari nawedꞌa?

Marcos 1:24

¿Bʉra dai bawara kꞌãrẽta sãwũã bꞌʉ Jesús Nazaredꞌebema? ¿Bʉra zebʉrʉka dai ãrĩĩta? Bʉra kꞌaita mʉã kꞌawua bꞌʉa, bʉra Daizezedꞌea.

Marcos 12:14

Mawũẽ maʉ̃rã zekuape mawũãsidꞌa: Miã Ũrãgꞌabari, daiba kꞌawua bꞌedꞌera bʉara jara bꞌʉa wãrãta, bʉra krĩcha zhãrãneã zhi edebi ẽã bʉara akʉ ẽbaera zhãrãnebemata. Awuarabʉrʉ wãrĩnuta jara bꞌʉa Daizeze ota. ¿Diasia bꞌʉka rey César plata diabadara, o dia bꞌe ẽ? ¿Diadꞌaidꞌe bꞌʉka o diadꞌaidꞌe bꞌʉ ẽ?

Marcos 5:7

Izhidꞌeba jaibara nemi jĩgua mawũãsia: ¿Bʉra mʉ ũme kꞌãrẽta sãwũã bꞌʉ Jesús Daizeze Ʉ̃trebema Warra? Daizeze daidꞌu mʉã bʉaa jaraya, mʉta zuburia orãrũã.

Lucas 1:77

Aramaʉ̃ne bʉara ẽdrʉdꞌaidꞌebemata kꞌawuabigaya izhidꞌeta bꞌea, izhara aramaʉ̃ne bedꞌea ne ẽã bꞌʉkuaya kꞌazhiruata biodꞌeba.

Lucas 1:79

Aramaʉ̃ne pãrĩguadꞌe bꞌeta ʉ̃nabibʉrʉra ẽdrʉdꞌaita kꞌawuabigaya aduaita beuya bꞌea, dazhira aramaʉ̃ne erunʉmaña Daizeze ũme adu-a bꞌai odꞌe.

Lucas 20:21

Mawũẽ maʉ̃rãbara widꞌi mawũãsidꞌa: Miã Ũrãgꞌabari, daiba kꞌawua bꞌedꞌera bʉa jara bꞌʉra bʉ ũrãgꞌara jipa bꞌʉa, bʉara miõta awuara eda ẽã, awuarabʉrʉ Daizeze ota jara bꞌʉa wãrãne.

Lucas 4:34

Daira idaribirua. ¿Bʉra dai bawara kꞌãrẽta sãwũã bꞌʉ Jesús Nazaredꞌebema? ¿Bʉra zebʉrʉka dai ãrĩĩta? Bʉra kꞌaita mʉã kꞌawua bꞌʉa, bʉra Daizezedꞌea.

Lucas 4:41

Jaisidꞌa zhãrã biodꞌeba ãĩ wãbʉdata nemi jĩgua mawũãsidꞌa: ¡Bʉra Daizeze Warra! Mawũãmina izhara kẽãkuasia, aramaʉ̃ne bedꞌeabiga ẽbasia kꞌawua bꞌeba izhira zhãrã Ẽdrʉbita.

Lucas 8:28

Jesústa ũdui kꞌãbãẽã bꞌiasia, mobe Jesús jẽrũ kꞌaita ju kꞌobꞌepe nemi jĩgua mawũãsia: ¿Bʉra mʉ ũme kꞌãrẽta sãwũã bꞌʉ Jesús Daizeze Ʉ̃trebema Warra? Mʉ biata odua mʉta zuburia orãrũã.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Hechos 18:26

Izhira wãnigua bedꞌea nʉmesia de zhi jʉrebada maẽ. Maʉ̃ta Priscilaba, Aquilaba ũrĩbʉdadꞌera jãpe ededꞌape bia jarasidꞌa Jesúsdꞌebema Daizezedꞌeta.

Hechos 19:13

Maʉ̃nerã judíorãnebemata ʉ̃kʉrʉ pʉrrʉa bꞌeasia jaita ãĩ jʉrekua bꞌeta, maʉ̃rãbara Jesús trʉ̃ta zokꞌa krĩñasidꞌa, mawũẽ jai kꞌazhiruarãta zhãrãne edꞌa bꞌea mawũãsidꞌa: ¡Mʉã marãã jaraya, Jesús trʉ̃neba ãĩ wãũdua Pabloba jara bꞌʉdꞌeba!