Hechos 16:14 - Porciones del Nuevo Testamento

¹⁴ Mawũẽ wũẽrã Lidia abadata wua granate nendobarita, Tiatira pʉwʉrʉdꞌebemaba Daizeze ibia jara bꞌʉba ũrĩ kꞌobꞌasia. Daizezebara izhi sora ewasia bia ũrĩmarẽã Pabloba jara kꞌobꞌʉta.

Hechos 16:14 ပူးပေါင်းရင်းမြစ်များ

Lucas 24:45

Mobebʉrʉ krĩcha ewekuasia sãwũãta kꞌawuadꞌamarẽã Daizeze bedꞌeata zhi bꞌʉmata.

Juan 12:20

Ʉ̃kʉrʉ griegorãta duanasia Jerusalén pʉwʉrʉedꞌa wãrĩzekuadꞌara Daizeze ibia jaradꞌaita fiestadꞌe.

Hechos 10:2

Izha jara bꞌʉta aribꞌae Daizeze wawia bꞌasia izhi dedꞌabema bawara. Aramaʉ̃ne zuburia bꞌeta biodꞌe ne bari dia bꞌʉta ewariza zhiwidꞌi bꞌasia Daizezea.

Hechos 11:21

Maʉ̃nerã Nokꞌo Daizeze zareara nʉmasia ãzhi bawara, mawũẽ ne awʉrʉdꞌebemata ĩjã bꞌera ãmanape bioba ĩjãsidꞌa Jesúsdꞌebemata.

Hechos 13:43

Ãba nʉmanata ẽzoabʉdadꞌera, judíorãnebema bioba dewaraurã judío bape bꞌeba pẽwã jʉ̃drʉsidꞌa Pablora Bernabéra. Mawũẽ ãzhara jarasidꞌa ĩjã bꞌeamarẽã izhi biaba ãzhi kʉãgꞌata Daizezebara.

Hechos 13:50

Mawũãmina judíorã wũẽrãrãã bedꞌeasidꞌa judío bape zhi zromata bꞌe bawara, bedꞌeasidꞌa nokꞌorã pʉwʉrʉdꞌebema bawarabidꞌa. Aramaʉ̃ne Pablo ʉ̃rʉ̃, Bernabé ʉ̃rʉ̃ bedꞌeata obibʉdaba maʉ̃rã jʉretasidꞌa ãzhi druadꞌebara.

Hechos 16:40

Mawũẽ cárceldꞌebara wãbʉdata deidꞌu wãsidꞌa Lidia dedꞌa. Aramaʉ̃ne mebẽrã bawara zhi ũdukuape soidꞌu bꞌeamarẽã ũrãgꞌadꞌape wãsidꞌa.

Hechos 18:7

De zhi jʉrebada maẽbara miã ũrãgꞌadꞌe wãsia Justo abada dedꞌa Daizeze wawia bꞌʉ maẽ, maʉ̃ dera nʉmasia de zhi jʉrebada kꞌaita.

Hechos 8:27

Mawũãĩ izhira piradrʉpe wãsia. Maʉ̃ne ũdusia ũmakĩrã Etiopía druadꞌebemata. Maʉ̃ nokꞌota bꞌʉkꞌãrĩsia Candaceba, Candacera reina basia Etiopíadꞌe. Maʉ̃bara maʉ̃ bꞌʉkꞌãrĩsia ne biata izha erubꞌʉ jõmaʉ̃ ʉ̃rʉ̃. Maʉ̃ta Jerusalén pʉwʉrʉedꞌa zesia Daizeze ibia jaradꞌe.

Romanos 9:16

Aramaʉ̃nerã izhita jʉrʉbi krĩñaba kꞌãrẽ onʉmʉta jʉrʉ ẽã, awuarabʉrʉ Daizezebara jʉrʉbaria izha sozuburia krĩñata.