Hechos 15:9 - Porciones del Nuevo Testamento

⁹ Aramaʉ̃nerã awuara eda ẽbasia dazhirãta miã jarirãta, ĩjãbʉdaba kꞌazhirua ne ẽã osia ãzhi sora.

Hechos 15:9 ပူးပေါင်းရင်းမြစ်များ

Hechos 10:15

Bedꞌea kꞌobꞌʉra bedꞌeama ũmeta mawũãsia: Daizezeba nene ẽã obʉrʉta bʉa ne mitia arãrũã.

Hechos 10:28

Mawũẽ mawũãsia: Marãbara kꞌawua bꞌea judíobara sãwũã igarata ãĩbemata orraira, mawũãmina Daizezeba mʉãã ũdubisia miõta jara ẽbamarẽã ne mitiata.

Hechos 10:34

Mawũãĩ Pedrobara mawũãsia: Mʉãrã wãrãne kꞌawuabʉrʉa Daizezebara zhãrã awuara eda ẽãta.

Hechos 11:12

Maʉ̃ne Jawurebiaba mʉãã jarasia ãzhi bawara wãmarẽã ne krĩcha ẽã. Mʉ bawara seis wãsidꞌa mebẽrã naʉ̃rãsidꞌa, daira aramaʉ̃ne deidꞌu wãsidꞌa Cornelio dedꞌa.

Hechos 14:1

Iconio pʉwʉrʉdꞌera Pablora Bernabéra ãba edꞌa wãsidꞌa de zhi jʉrebadata judíorãne maẽ. Mobe bedꞌeabʉdadꞌera Jesúsdꞌebema kꞌabanaba ĩjãsidꞌa judíorãba, griegorãba.

Hechos 14:27

Jũẽnape mebẽrã ãba jʉredꞌape jarasidꞌa Daizezeba ne bia zroma odꞌata ãzhi bawara, aramaʉ̃ne sãwũã ewa nʉminapʉta Jesúsdꞌebema ĩjãnamarẽã judíorã ẽãba.

Romanos 3:22

Zhi jarama Daizezebara bedꞌea ne ẽã bꞌʉita Jesucristodꞌebemata ĩjãbʉrʉdꞌeba, maʉ̃ta izhidꞌebemata ĩjãbʉda jõmaʉ̃ĩtabema, mawũẽ miõta awuara eda ẽã.

Romanos 3:9

¿Mawũẽ sãwũãpe? ¿Dazhirã judíorãta audre biarãkꞌa awʉrʉrã kꞌãñabara? ¡Mawũã ẽã! Daibara kꞌawuabisidꞌa jõma judíorãta judíorã ẽãta kꞌazhirua edre bꞌeta.

Romanos 9:24

Maʉ̃rãta izha trʉ̃kuadꞌara trʉ̃kuasia dazhirãta, bari judíorãnebemata trʉ̃ ẽbasia, awuarabʉrʉ trʉ̃sia judíorã ẽãnebemasidꞌa.