Hechos 15:2 - Porciones del Nuevo Testamento

² Maʉ̃ kꞌarea Pablo Bernabé ũme kꞌaikꞌaiasidꞌa ãzhi bawara. Mawũẽ Pablo Bernabé ũme mebẽrã ʉ̃kʉrʉ bawara Jerusalénʉẽna wãrĩzebisidꞌa Jesúsba zokꞌakuadꞌama, nokꞌorã mebẽrãnema, aramaʉ̃ne bedꞌeadꞌamarẽã maʉ̃nebemane.

Hechos 15:2 ပူးပေါင်းရင်းမြစ်များ

Hechos 10:23

Mawũãnaĩ deidꞌu wãbigasia. Nrũẽma piradrʉpe wãsia ãzhi bawara. Mebẽrã ʉ̃kʉrʉba kꞌopaya wãsidꞌa Jope pʉwʉrʉdꞌebemaba.

Hechos 11:12

Maʉ̃ne Jawurebiaba mʉãã jarasia ãzhi bawara wãmarẽã ne krĩcha ẽã. Mʉ bawara seis wãsidꞌa mebẽrã naʉ̃rãsidꞌa, daira aramaʉ̃ne deidꞌu wãsidꞌa Cornelio dedꞌa.

Hechos 11:30

Mawũã obʉdara nokꞌorã mebẽrãnema diabuebʉdata edebisidꞌa Bernabéa, Sauloa.

Hechos 15:25

Mawũẽ krĩcha abꞌarika zekuape daima bia zesia mebẽrãta jʉrʉdꞌape marãma zokꞌakuadꞌaita dazhirãba Bernabé Pablo kʉãgꞌade bawara.

Hechos 15:27

Aramaʉ̃ne daibara zokꞌabʉda Judata Silata, ãzhabidꞌa bedꞌeara marãã kꞌawuabidꞌaya abꞌaʉta.

Hechos 15:4

Jerusalénʉẽna jũẽbʉdadꞌera bia edasidꞌa mebẽrãba, Jesúsba zokꞌakuadꞌaba, nokꞌorã mebẽrãneba. Aramaʉ̃ne jõma jarasidꞌa Daizezeba kꞌãrẽ odꞌata ãzhi bawara.

Hechos 16:4

Pʉwʉrʉza berabꞌari wãne jara wãbʉdata Jesúsba zokꞌakuadꞌata, nokꞌorã mebẽrãneta Jerusalénne bꞌeta krĩcha abꞌarika zedꞌadꞌebemata jara wãsidꞌa aribꞌaedꞌamarẽã.

Hechos 21:18

Nrũẽma Pablo dai bawara wãsia Jacobo akʉdꞌe. Mama jõma zhi jʉre duanasia nokꞌorã mebẽrãneta.