Hechos 15:19 - Porciones del Nuevo Testamento

¹⁹ Maʉ̃neba mʉã jaraya, judíorã ẽãta idu bꞌʉ ẽã jirpanarãũdua Daizezedꞌebema ĩjãbʉdata.

Hechos 15:19 ပူးပေါင်းရင်းမြစ်များ

Hechos 15:10

Mawũẽ ¿Daizezera kꞌãrẽã bĩ ẽãbidꞌaipe, Jesúsdꞌebema ĩjã bꞌea kꞌãrẽã aribꞌaebidꞌaipe miã dazhirã zhibarirã bꞌeadꞌaba miã dazhirãba aribꞌae bꞌedꞌa ẽãrã?

Hechos 15:24

Daibara ũrĩsidꞌa ʉ̃kʉrʉ daidꞌebemata marãma wãnapeadꞌata, maʉ̃rã daiba wãbidꞌa ẽbasia, maʉ̃rãbara bedꞌeaba marã idu bꞌʉ ẽã jirpanʉba kꞌawua ẽã krĩchabi jirpanʉã, jara jirpanʉã zhũmakĩrã kꞌakua eta kꞌõmarẽã, jara jirpanʉã aribꞌaedꞌamarẽã Moisé ũrãgꞌata.

Hechos 15:28

Jawurebiama, daima bia zesia ne ãmaña jaradꞌa ẽbaita naʉ̃ta aribꞌaeita baradꞌebara:

Hechos 21:21

Ãzhaara sewata jarasidꞌa bʉdꞌebemata, judíorãta judíorã ẽã maẽ bꞌeta jõma ũrãgꞌa bꞌʉbidꞌa aribꞌaedꞌa ẽbamarẽã ũrãgꞌa Moisédꞌeta, jara bꞌʉbidꞌa ãzhi warrarãne kꞌakua era kꞌõna ẽbamarẽã, miã odꞌa ẽbamarẽã kꞌãrẽ okꞌawa bꞌera.

Hechos 21:25

Mawũãmina judíorã ẽãba Jesúsdꞌebema ĩjãpe bꞌeitara krĩchadꞌape daibara jara bꞌʉsidꞌa kꞌãrẽ zhi zromarãne erubꞌeiita ne beabadata kꞌodꞌa ẽbamarẽã, ne wata kꞌodꞌa ẽbamarẽã, ne ojũẽbꞌari bea kꞌodꞌa ẽbamarẽã, kĩma ẽãta erukꞌãĩna ẽbamarẽã.

Hechos 26:20

Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.