Hechos 15:13 - Porciones del Nuevo Testamento

¹³ Ãzhi chupeadꞌai Jacoboba mawũãsia: Mebẽrã, mʉ bedꞌeata ũrĩũdua.

Hechos 15:13 ပူးပေါင်းရင်းမြစ်များ

Marcos 15:40

Wũẽrãrãsidꞌa ʉ̃kʉrʉ duanasia wawarauba akʉ bꞌeta. Maʉ̃rãnebema duanasia María Magdalenata, dewarabema María zhi wau tẽãbema Jacoboba, Joséba ãzhi papata bꞌasia, dewara bꞌasia Salométa.

Hechos 12:17

Maʉ̃ne izhara chupeadꞌamarẽã juwuaba jarape nebʉrʉsia Daizezeba sãwũã ẽdrʉbita cárceldꞌeba. Mobe mawũãsia: ¡Maʉ̃ta kꞌawuabiudua Jacoboa dewara mebẽrãã! Mawũãpe wãbʉrʉta wãsia ẽjũã awʉrʉedꞌa.

Hechos 15:14

Simónbara jarabʉrʉa Daizezeba jẽdeubara sãwũã edabʉrʉta judíorã ẽãta bꞌera, aramaʉ̃ne ãzhira izhidꞌe babigaita.

Hechos 2:14

Maʉ̃nerã Pedrora dewaraurã once bawara ʉ̃ta nʉmepe nemi jĩgua mawũãsia: Judíorãta bꞌeba, dewara jõma Jerusalénne bꞌeba naʉ̃ta kꞌawuadꞌaita ũrĩũdua mʉ bedꞌeata.

Hechos 2:22

Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea.

Hechos 2:29

Mebẽrã, mʉã marãã jipa jaraya, zõrã dazhirãta rey David beubʉrʉdꞌera wuagꞌasidꞌa, izhi wuagꞌadꞌapeadꞌara peña zobꞌeara dazhirãne edꞌa nʉmʉã idꞌi basiidꞌu.

Hechos 21:18

Nrũẽma Pablo dai bawara wãsia Jacobo akʉdꞌe. Mama jõma zhi jʉre duanasia nokꞌorã mebẽrãneta.

Hechos 22:1

Mʉ ʉrerã, marã mʉ zeze kĩrãkꞌa bꞌea, mʉ marã kĩrãbita mʉzhikusa zhi kꞌareba bedꞌeaita ũrĩũdua.

Hechos 7:2

Mawũãĩ Estebanbara mawũãsia: Mʉ ʉrerã, marã mʉ zeze kĩrãkꞌa bꞌeba mʉ bedꞌeata ũrĩũdua: Daizeze zhi zromata dazhirã zeze Abrahanʉã zhi ũdubisia wadꞌi Mesopotamia druadꞌe bꞌʉdꞌe Harán pʉwʉrʉdꞌe bꞌei nawedꞌa.