Hechos 14:5 - Porciones del Nuevo Testamento

⁵ Maʉ̃nerã judíorãta, judíorã ẽãta nokꞌorã bawara bedꞌea ausidꞌa Pablora Bernabéra zuburia odꞌaita mongꞌaraba tabꞌaridꞌaita.

Hechos 14:5 ပူးပေါင်းရင်းမြစ်များ

Mateo 5:44

Waya mʉã marãã jaraya, kʉãgꞌaudua marã jura bꞌera, ibia jaraudua marã ikꞌazhirua jara bꞌera, bia oudua marã jura bꞌera, zhiwidꞌiudua marã zuburia obꞌebarira.

Lucas 6:28

Ibia jaraudua marã ikꞌazhirua jara bꞌera, zhiwidꞌiudua marã bĩ ẽã obꞌebarira.

Hechos 13:45

Mawũãmina judíorã nokꞌorãba kꞌabanata ũdudꞌai kꞌãbãẽã bĩ ẽãbʉdaba jarasidꞌa Pabloba jarabʉrʉra mawũã ẽãta, aramaʉ̃ne bĩ ẽã jarasidꞌa.

Hechos 13:50

Mawũãmina judíorã wũẽrãrãã bedꞌeasidꞌa judío bape zhi zromata bꞌe bawara, bedꞌeasidꞌa nokꞌorã pʉwʉrʉdꞌebema bawarabidꞌa. Aramaʉ̃ne Pablo ʉ̃rʉ̃, Bernabé ʉ̃rʉ̃ bedꞌeata obibʉdaba maʉ̃rã jʉretasidꞌa ãzhi druadꞌebara.

Hechos 14:19

Maʉ̃ne judíorãta ʉ̃kʉrʉ zesidꞌa Antioquíadꞌeba Iconioneba, maʉ̃rãbara kꞌabanata krĩcha ãrĩsidꞌa. Aramaʉ̃ne mongꞌaraba tabꞌari jidasidꞌa Pablora, mobe pʉwʉrʉdꞌebara ãĩ ertasidꞌa beusita krĩchadꞌape.

Hechos 14:2

Mawũãmina judíorã zhi ĩjãna ẽãbara judíorã ẽãta krĩcha ãrĩsidꞌa mebẽrã ʉ̃rʉ̃.

Hechos 14:4

Zhãrã pʉwʉrʉdꞌebema dra nʉmasia: Ʉ̃kʉrʉ nʉmasia judíorã bawara, ʉ̃kʉrʉ nʉmasia Jesúsba zokꞌakuadꞌa bawara.

Hechos 17:5

Mawũẽ judíorã Jesúsdꞌebema ĩjãna ẽãbara bĩ ẽãbʉdaba ʉ̃kʉrʉ bia ẽãta bꞌeta jʉrʉkua edasidꞌa, mobe maʉ̃rã bawarauba kĩrũbikuasidꞌa zhãrãta. Puerta tegawe Jasón dedꞌa edꞌa wãsidꞌa Pablo Sila ãĩ wedꞌaita zhãrã kꞌobꞌema.