Hechos 13:48 - Porciones del Nuevo Testamento

⁴⁸ Judíorã ẽãba maʉ̃ta ũrĩnaĩ sobia biga asidꞌa Daizeze bedꞌeara, aramaʉ̃ne jõmaʉ̃ba ĩjãsidꞌa Daizeze ũme bꞌai jõ ẽã bꞌeaita bꞌeadꞌabara.

Hechos 13:48 ပူးပေါင်းရင်းမြစ်များ

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Mateo 28:16

Jesúsba jʉrʉkuadꞌata oncera Galileaedꞌa wãsidꞌa Jesúsba kꞌatuma jaradꞌaidꞌu.

Lucas 7:8

Aramaʉ̃ kĩrãkꞌa mʉãrã aribꞌae bꞌʉa nokꞌoba jarabʉrʉta. Mʉãbidꞌa soldaorãta jʉre bꞌʉa mʉã jarabʉrʉdꞌe bꞌeta. Mʉã iabꞌaʉa wãrũã abʉrʉdꞌera wãbaria. Iabꞌaʉa zerua abʉrʉdꞌera zebaria. Mʉ nezokꞌaa naʉ̃ta odua abʉrʉdꞌera obaria.

Juan 10:16

Mʉã dewara erubꞌʉa ovejarã naʉ̃ kꞌorradꞌebema ẽãta. Maʉ̃rãsidꞌa mʉãrã wei baraba maʉ̃rãbara mʉ bedꞌeara ũrĩnaña. Aramaʉ̃ne ãba duaneña, ãzhi akʉbarira abꞌa bꞌaya.

Juan 11:52

Bari judíorãbari beuita ẽã, awuarabʉrʉ beuita Daizeze warrarã abꞌa nʉmʉĩta druaza bꞌeta.

Hechos 13:12

Nokꞌobara mawũã berabꞌaribʉrʉta ũdupe ĩjãsia bigadꞌeba ũrãgꞌa Nokꞌo Jesúsdꞌera.

Hechos 13:42

Pablota Bernabéta de zhi jʉrebadata judíorãne maẽba wãbʉdadꞌera, zhãrã zuburia bedꞌeasidꞌa dewara ewari ẽnaʉ̃badata zeidꞌebidꞌa jaradꞌamarẽã maʉ̃nebemata.

Hechos 15:2

Maʉ̃ kꞌarea Pablo Bernabé ũme kꞌaikꞌaiasidꞌa ãzhi bawara. Mawũẽ Pablo Bernabé ũme mebẽrã ʉ̃kʉrʉ bawara Jerusalénʉẽna wãrĩzebisidꞌa Jesúsba zokꞌakuadꞌama, nokꞌorã mebẽrãnema, aramaʉ̃ne bedꞌeadꞌamarẽã maʉ̃nebemane.

Hechos 15:31

Ledꞌape sobiasidꞌa aramaʉ̃ne adu-a bꞌeabibʉdaba.

Hechos 2:41

Aramaʉ̃ne Pedro bedꞌeata ĩjãnapeadꞌara buru kꞌoesidꞌa. Maʉ̃ ewadera Jesúsdꞌebema ĩjãbʉdara edꞌa zesidꞌa tres mil.

Hechos 2:47

Daizezera ibia jara bꞌeasia, ãzhira kʉãgꞌade basia zhãrã jõmaʉ̃ba. Maʉ̃nerã Nokꞌo Jesúsbara izhidꞌebema ĩjã bꞌedꞌe edꞌa ewariza zebi nʉmasia zhi ẽdrʉdꞌaita bꞌera.

Hechos 20:13

Daira na wãta barcodꞌe Asón pʉwʉrʉedꞌa jizoasia Pablo mama bꞌaribidꞌaita, izha mawũã jaradꞌadꞌe drua wã krĩñape.

Hechos 22:10

Mʉãrã mawũãsia: ¿Mʉãrã kꞌãrẽta oipe Nokꞌó? Mʉã mawũãĩ Nokꞌobara mawũãsia: Piradrʉpe Damascoedꞌa wãrũã, mama jõma jaradꞌaya bʉa kꞌãrẽ oita.

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.

Hechos 8:8

Mawũẽ kꞌãbãẽã sobia nʉmeãsia maʉ̃ pʉwʉrʉdꞌera.

Romanos 11:7

¿Aramaʉ̃nerã sãwũãpe? Israel bꞌera Daizezema bia nʉmeãĩta jʉrʉ bꞌeadꞌadꞌe duane ẽbasia. Mawũãmina izha jʉrʉkuadꞌara mawũã duanesia, waya wuaabema zarea duanesia.

Romanos 13:1

Zhãrã jõma nokꞌorã edre bꞌeaudua. Nokꞌora Daizezeba bꞌʉdꞌa ẽãrã ne ẽã, aramaʉ̃ne zhi bꞌʉra Daizezeba bꞌʉdꞌata bꞌʉa.

Romanos 8:28

Kꞌawua bꞌea izhi kʉãgꞌa bꞌeta Daizezeba kꞌãrẽ berabꞌaribi bꞌʉra jõma kꞌarebata biaitabema, maʉ̃ta izha kꞌãrẽ kꞌaudꞌa bꞌeabiita trʉ̃kuadꞌaitabema.