Hechos 13:45 - Porciones del Nuevo Testamento

⁴⁵ Mawũãmina judíorã nokꞌorãba kꞌabanata ũdudꞌai kꞌãbãẽã bĩ ẽãbʉdaba jarasidꞌa Pabloba jarabʉrʉra mawũã ẽãta, aramaʉ̃ne bĩ ẽã jarasidꞌa.

Hechos 13:45 ပူးပေါင်းရင်းမြစ်များ

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Mateo 27:18

Pilatobara kꞌawuasia nokꞌorãbara sokꞌazhiruaba izhaa chãbꞌaribʉdata.

Hechos 13:50

Mawũãmina judíorã wũẽrãrãã bedꞌeasidꞌa judío bape zhi zromata bꞌe bawara, bedꞌeasidꞌa nokꞌorã pʉwʉrʉdꞌebema bawarabidꞌa. Aramaʉ̃ne Pablo ʉ̃rʉ̃, Bernabé ʉ̃rʉ̃ bedꞌeata obibʉdaba maʉ̃rã jʉretasidꞌa ãzhi druadꞌebara.

Hechos 14:19

Maʉ̃ne judíorãta ʉ̃kʉrʉ zesidꞌa Antioquíadꞌeba Iconioneba, maʉ̃rãbara kꞌabanata krĩcha ãrĩsidꞌa. Aramaʉ̃ne mongꞌaraba tabꞌari jidasidꞌa Pablora, mobe pʉwʉrʉdꞌebara ãĩ ertasidꞌa beusita krĩchadꞌape.

Hechos 14:2

Mawũãmina judíorã zhi ĩjãna ẽãbara judíorã ẽãta krĩcha ãrĩsidꞌa mebẽrã ʉ̃rʉ̃.

Hechos 14:4

Zhãrã pʉwʉrʉdꞌebema dra nʉmasia: Ʉ̃kʉrʉ nʉmasia judíorã bawara, ʉ̃kʉrʉ nʉmasia Jesúsba zokꞌakuadꞌa bawara.

Hechos 14:5

Maʉ̃nerã judíorãta, judíorã ẽãta nokꞌorã bawara bedꞌea ausidꞌa Pablora Bernabéra zuburia odꞌaita mongꞌaraba tabꞌaridꞌaita.

Hechos 17:5

Mawũẽ judíorã Jesúsdꞌebema ĩjãna ẽãbara bĩ ẽãbʉdaba ʉ̃kʉrʉ bia ẽãta bꞌeta jʉrʉkua edasidꞌa, mobe maʉ̃rã bawarauba kĩrũbikuasidꞌa zhãrãta. Puerta tegawe Jasón dedꞌa edꞌa wãsidꞌa Pablo Sila ãĩ wedꞌaita zhãrã kꞌobꞌema.

Hechos 18:6

Mawũãmina maʉ̃rãbara ũrĩãmaba mitia bedꞌea jirpaneĩ wua jʉ̃ bꞌʉta niãwe mawũãsia: Kꞌãwũã bꞌedꞌeba Daizezebara pua kꞌawua okuaya. Mʉrã bedꞌea ne ẽbaya. Idꞌidꞌeuba mʉãrã Jesúsdꞌebema jaradꞌe wãña judíorã ẽãta bꞌea.

Hechos 19:9

Mawũãmina ʉ̃kʉrʉbara ĩjãna ẽãba Jesús pẽwã bꞌera bĩ ẽã jara jirpanesia kꞌabana kĩrãbita. Mawũẽ Pablora ãzhi maẽbara wãbʉrʉta Jesúsdꞌebema ĩjã bꞌera jʉre edepe ewariza bedꞌea bꞌasia escuelata Tiranno abadadꞌe maẽ.

Hechos 5:17

Maʉ̃ kꞌarea sacerdote wagꞌauta jõma saduceorã izhi ũme kꞌobꞌe bawara kꞌãbãẽã bĩ ẽãsidꞌa.

Romanos 1:29

Ne jõmaʉ̃ bia ẽãta obꞌeba kĩma ẽãta erukꞌãĩbada, ne mitiata obada, ne wuaabʉrʉ krĩñabada, bia ẽãta obada, zhãrãba ne erubꞌʉ kꞌarea bĩ ẽãbada, miã beabada, kꞌaikꞌaiabada, zhãrã sewabada, bedꞌeata obada.