Hechos 13:25 - Porciones del Nuevo Testamento

²⁵ Juanbara izha onʉmʉta jõbibodꞌodꞌera mawũãsia: ¿Marãbara mʉrã kꞌaita krĩcha bꞌe? Mʉrã zhãrã Ẽdrʉbita bꞌʉ ẽã. Mawũãmina iabꞌa mʉ kꞌaidꞌu urua, nezokꞌaba obari kĩrãkꞌara mʉãrã ẽnaĩne bꞌʉ ẽã maʉ̃ba jẽrũne jʉ̃ bꞌʉra.

Hechos 13:25 ပူးပေါင်းရင်းမြစ်များ

Mateo 3:11

Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Marcos 1:7

Maʉ̃nerã mawũã bazhia: Mʉ tẽã urua mʉ audre zhi zromata, nezokꞌaba obari kĩrãkꞌara mʉãrã bꞌarrupe ẽnaĩne bꞌʉ ẽã maʉ̃ba jẽrũne jʉ̃ bꞌʉra.

Juan 1:29

Nrũẽma Juanbara Jesús izhima uruta ũdupe mawũãsia: Akaudua, kꞌãʉ̃ta Oveja zake Daizezedꞌea, naʉ̃bara kꞌazhirua ne ẽã oya ẽjũãne zhãrã bꞌeta.

Juan 1:34

Mawũã jaradꞌata mʉãrã izhira ũdubʉrʉa, mawũẽ mʉãrã jarabʉrʉa naʉ̃ Daizeze Warrata.

Juan 1:36

Maʉ̃ne Jesústa mama taita ũdui mawũãsia: ¡Akaudua, naʉ̃ta Oveja zake Daizezedꞌea!

Juan 4:34

Maʉ̃ne Jesúsbara mawũãsia: Mʉ zhikora mʉãrã mʉ zokꞌadꞌaba krĩñata oibara, aramaʉ̃ne izha kꞌãrẽ obi nʉmʉkꞌãrĩta jõbiibara.

Juan 7:18

Izhikusauba bedꞌea bꞌʉbara izhitrʉ bia jaradꞌamarẽã bꞌʉa, mawũãmina mʉãrã Daizeze mʉ zokꞌadꞌata bia jaradꞌamarẽã bꞌʉa, mawũẽ wãrĩnuta jara bꞌʉa, aramaʉ̃ne mʉãrã sewata jara ẽã.

Hechos 13:36

Wãrãnebai Davidbara zhãrã izhi ewaridꞌebema aribꞌaesia Daizezeba krĩñane, maʉ̃ne beupe wuagꞌasidꞌa zhibarirã bꞌeadꞌa bawara, aramaʉ̃ne bꞌerawasia.

Hechos 19:4

Mawũãnaĩ Pablobara mawũãsia: Juanbara zhãrã buru kꞌoesia buru kꞌoebʉdaba kꞌazhiruara ãmape Daizezeta pẽwãnamarẽã, aramaʉ̃ne zhãrãã jarasia ĩjãnamarẽã izhi tẽã zeidꞌebemata, maʉ̃ Jesústa zhãrã Ẽdrʉbia.

Hechos 20:24

Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.