Hechos 12:8 - Porciones del Nuevo Testamento

⁸ Ángelbara mawũãsia: ¡Wua jʉ̃tape sandalia jʉ̃tadua! Mawũãĩ izhara aribꞌaetasia. Mawũẽ mawũãsia: ¡Bʉzhi wua ãnebꞌaripe mʉ kꞌaidꞌu zerua!

Hechos 12:8 ပူးပေါင်းရင်းမြစ်များ

Mateo 3:11

Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Marcos 6:9

Awuarabʉrʉ jarasia jʉ̃namarẽã sandaliata, mobe ededꞌa ẽbamarẽã wua trokꞌa jʉ̃ĩta.

Lucas 12:37

Nezokꞌarã maʉ̃rã sobiadꞌaya ãzhi nokꞌo zebʉrʉdꞌe mawũã jʉ̃ã bꞌeta ũdu zera. Mʉã wãrĩnu marãã jaraya, mawũãrã jewedꞌabigape izhabʉrʉ ne jigaya.

Hechos 12:7

Maʉ̃ne Daizeze ángelta zebʉrʉba ʉ̃nasia cárceldꞌera. Pedrora orrodꞌe tõbꞌari ʉ̃rʉ̃ma mawũãsia: ¡Meserã piradrʉrua! Maʉ̃ daucha cadena ẽneguezoasia juwuadꞌebara.

Hechos 12:9

Mawũãĩ Pedro ángel kꞌaidꞌu jʉ̃drʉsia ángelba okꞌobꞌʉra wãrã kꞌawua ẽãta, awuarabʉrʉ krĩchasia ũdu kꞌobꞌʉta kꞌãĩmokꞌaradꞌe kĩrãkꞌa.

Hechos 27:23

Idꞌi diamase mʉ ũme bꞌasia ángel Daizezedꞌeta, mʉrã Daizezedꞌea, mʉãrã izha jara bꞌʉta aribꞌae bꞌʉa.

Hechos 8:26

Ángel Daizezedꞌeta Felipea bedꞌeabʉrʉta mawũãsia: Piradrʉpe wãrũã Jerusalénneba wãbada odꞌe Gaza pʉwʉrʉedꞌa, maʉ̃ ora wã bꞌʉa drua drudrua tabꞌʉdꞌe.