Hechos 12:4 - Porciones del Nuevo Testamento

⁴ Mawũã jidabipe bꞌʉsia cárceldꞌe. Mobe soldaorã dieciseia chãbꞌarisia zhiya kĩmarẽba trokꞌa akʉdꞌamarẽã. Izhara kꞌawua oita ãĩ edape zhãrãã ũdubigaita krĩchasia fiesta tẽã.

Hechos 12:4 ပူးပေါင်းရင်းမြစ်များ

Mateo 24:9

Marã chãbꞌaridꞌaya zuburia odꞌamarẽã, aramaʉ̃ne beakuadꞌaya, marã jõmaʉ̃ba juradꞌaya mʉ kꞌarea.

Mateo 26:5

Mawũãmina mawũãsidꞌa: Fiestadꞌera beadꞌa ẽã zhãrãta kĩrũna ẽbamarẽã pʉwʉrʉdꞌe.

Marcos 14:1

Ewari ũme wãẽã nʉmasia Egiptodꞌeba ẽzoadꞌata krĩcha fiesta obadata, maʉ̃nerã pan ne oreguea ne ẽã kꞌobada. Maʉ̃ne sacerdoterã nokꞌorãta ũrãgꞌa Moisédꞌe jarabada bawara krĩcha jʉrʉsidꞌa Jesús sãwũã sewadꞌape jidadꞌaita, aramaʉ̃ne beabidꞌaita.

Lucas 21:12

Mawũãmina maʉ̃ jõmaʉ̃ nawedꞌa marã jidakuadꞌaya, marã zuburia odꞌai kꞌarea pẽwãnaña. Marã chãbꞌaridꞌaya de zhi jʉrebadata nʉme maẽ, cárcel nʉme maẽ. Marã ededꞌaya reyrã kĩrãbita, nokꞌorã kĩrãbita mʉ kꞌarea.

Lucas 22:33

Mawũãĩ izhara mawũãsia: Nokꞌó, mʉrã bari bʉ ũme cárceldꞌe edꞌa wãĩta bꞌʉ ẽã, awuarabʉrʉ bʉ ũme beuisidꞌa bꞌʉa.

Juan 19:23

Soldaorãbara Jesús cruzdꞌe kꞌachidꞌape izha jʉ̃ bꞌadꞌara jirakua edadꞌape kĩmarẽta abꞌaʉdꞌe drasidꞌa soldaoza. Wua ãnebꞌari jʉ̃ bꞌadꞌasidꞌa jidasidꞌa, maʉ̃ wuara kĩrã tẽũ kꞌasudꞌapeadꞌa ẽbasia, awuarabʉrʉ jipa abꞌa kꞌadꞌapeadꞌa basia ʉ̃tʉba edꞌaa.

Juan 21:18

Mʉã wãrĩnu bʉaa jaraya: Bʉ kũrãta bꞌasidꞌera zhope wã bꞌasia bʉzha krĩñama, mawũãmina ya zõrãta bꞌebʉrʉdꞌera bʉra juwua jirabꞌariya, aramaʉ̃ne bʉra awʉrʉba zhobiya, mobe edeya bʉa krĩña ẽãma.

Hechos 12:3

Maʉ̃ta judíorãma bigata kꞌawuape jidabisia Pedrosidꞌa. Maʉ̃ ewadera fiesta pan ne oreguea ne ẽã kꞌobada ewari basia.

Hechos 12:5

Aramaʉ̃ne Pedrora akʉ bara bꞌesia cárceldꞌe. Mawũãmina mebẽrã Daizezea zhiwidꞌi taudꞌa ẽbasia izhibari.

Hechos 4:28

Aramaʉ̃ne ãzhara osidꞌa bʉa zhi zromaba krĩchadꞌadꞌe sãwũã berabꞌariita.

Hechos 4:3

Mawũẽ jidadꞌape nrũẽmaẽna cárceldꞌe panʉsidꞌa keu baera.

Hechos 5:18

Mawũẽ Jesúsba zokꞌakuadꞌara jidadꞌape edꞌa panʉsidꞌa cárceldꞌe.

Hechos 8:3

Maʉ̃nerã Saulobara mebẽrã bĩ ẽã okua nʉmasia. Deza deidꞌu wãpe jidakua nʉmasia zhũmakĩrãrãta, wũẽrãrãta, aramaʉ̃ne edebiga nʉmasia cárceldꞌe edꞌa.