Hechos 11:23 - Porciones del Nuevo Testamento

²³ Maʉ̃ta jũẽbʉrʉdꞌera ũdusia Daizezeba izhi biaba bia edakuata, mawũẽ sobiape jõmaʉ̃ã jarasia soidꞌu bꞌeamarẽã Daizeze ũme.

Hechos 11:23 ပူးပေါင်းရင်းမြစ်များ

Mateo 16:24

Mobebʉrʉ Jesúsbara izha jʉrʉkuadꞌaa mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Marcos 2:5

Ãzhi soidꞌu kꞌobꞌeta Jesúsba ũdui kꞌakua pira ẽã kꞌaya bꞌʉa mawũãsia: Bʉra kꞌazhiruata biodꞌebara mʉãrã bedꞌea ne ẽã bꞌidꞌapʉa.

Juan 15:4

Mʉ ũme bꞌeaudua, mobedꞌeba mʉrã marãne bꞌʉa. Uva jʉ̃kꞌara izhikusara zau ẽã zhi kꞌarra maẽba nʉmʉ ẽbʉrʉ, aramaʉ̃ kĩrãkꞌa marãbara Daizezeba krĩñarã obꞌedꞌa ẽã mʉ ũme duanu ẽbʉrʉ.

Hechos 13:43

Ãba nʉmanata ẽzoabʉdadꞌera, judíorãnebema bioba dewaraurã judío bape bꞌeba pẽwã jʉ̃drʉsidꞌa Pablora Bernabéra. Mawũẽ ãzhara jarasidꞌa ĩjã bꞌeamarẽã izhi biaba ãzhi kʉãgꞌata Daizezebara.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.

Hechos 14:26

Mamaʉ̃ba barcodꞌe wãsidꞌa Antioquía pʉwʉrʉedꞌa, mama chãbꞌaridꞌapeadꞌa basia ãzhira Daizezeba izhi biaba kꞌarebamarẽã, maʉ̃nebemata mawũã aribꞌaesidꞌa.

Hechos 15:40

Waya Pablobara Silata jʉrʉ edape wãbʉrʉdꞌera, izhi biaba ãzhi akʉmarẽã mebẽrãbara chãbꞌarisidꞌa Daizezea Nokꞌoa.

Hechos 20:24

Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.

Hechos 20:32

Kꞌõbebʉrʉ mebẽrã mʉã marã chãbꞌariya Daizezea, bedꞌeata izhi biaba jarabi nʉmʉkꞌãrĩã chãbꞌariya, izhara zareata erubꞌʉa marã soidꞌu bꞌeabiita, marãã dedꞌekaya izha diaita jaradꞌara izhidꞌeta duanuna jõmaʉ̃ã.

Hechos 4:36

Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia.

Romanos 12:8

Zhãrã soidꞌu nʉmabi bꞌʉra zhãrã soidꞌu nʉmabi bꞌadua. Zhãrã ne diabi bꞌʉbara sobia diadua. Mebẽrã nokꞌota nʉmʉkꞌãrĩrã kĩrãkuita nʉmadua. Zhãrã sozuburia kꞌarebabi bꞌʉbara kꞌarebarua sobia.