Hechos 11:16 - Porciones del Nuevo Testamento

¹⁶ Mawũẽ mʉãrã bude basia Nokꞌo Jesúsba mawũãnata: Juanbara wãrãnebai zhãrã buru kꞌoesia baniãba, mawũãmina Daizezebara marãã diaya Jawurebiata.

Hechos 11:16 ပူးပေါင်းရင်းမြစ်များ

Mateo 3:11

Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Mateo 3:6

Jordán dodꞌe Juanʉã zhi buru kꞌoebisidꞌa ãzhi kꞌazhiruata jara.

Marcos 1:8

Mʉãrã wãrãnebai marã baniãba buru kꞌoe bꞌʉa, mawũãmina marã izhara Jawurebiata diaya.

Lucas 24:8

Mobebʉrʉ ãzhara bude basidꞌa Jesúsba maʉ̃ta jaradꞌata.

Lucas 3:16

Maʉ̃ne Juanbara jõmaʉ̃ã mawũãsia: Mʉãrã wãrãnebai marã baniãba buru kꞌoe bꞌʉa. Mawũãmina mʉ audre zhi zromata zeya, nezokꞌaba obari kĩrãkꞌara mʉãrã ẽnaĩne bꞌʉ ẽã maʉ̃ba jẽrũne jʉ̃ bꞌʉra. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Juan 1:26

Mawũãnaĩ Juanbara panaʉ̃ mawũãsia: Mʉãrã zhãrã buru kꞌoe bꞌʉa baniãba. Mawũãmina iabꞌa marãne edꞌa bꞌʉa marãba ũdukꞌawadꞌa ẽãta.

Juan 1:33

Jesús kꞌaira mʉãrã kꞌawua ẽbasia, mawũãmina baniãba zhãrã buru kꞌoemarẽã Daizezeba mʉta zokꞌadꞌabara mʉãã mawũãsia: Iabꞌaʉ ʉ̃rʉ̃ Jawurebia uruta bʉa ũdubʉrʉdꞌera izhi ʉ̃rʉ̃ bꞌariya, maʉ̃bara Jawurebiata diaya Daizezedꞌeta.

Juan 14:26

Mawũãmina marã Kꞌarebata Jawurebiata mʉ Zezeba mʉbari zokꞌaibara maʉ̃bara marãã ne jõma jaradedꞌekaya, bude babigaya jõma mʉã marãã jaradꞌata.

Juan 16:4

Mʉãrã maʉ̃ta marãã jarabʉrʉa maʉ̃ ewarita zebʉrʉdꞌera marãba bude badꞌamarẽã ya mʉãrã marãã zhi jaramata. Maʉ̃ mʉãrã jẽdeubara marãã jara ẽbasia, mʉrã bꞌʉ baera marã bawara.

Hechos 1:5

Juanbara wãrãnebai zhãrã buru kꞌoesia baniãba, mawũãmina Daizezebara marãã diaya Jawurebiata ewari dããrã ẽãne.

Hechos 20:35

Ne jõmaʉ̃ne mʉã marãã jaradia bꞌʉa mawũã traja kꞌarebai barata kꞌãrẽ nesidꞌa bꞌera. Nokꞌo Jesús bedꞌeata bude baudua mawũãnata: Dazha awʉrʉa kꞌãrẽ diabʉrʉba dazhira audre sobiaya awʉrʉba diabʉrʉta jidai kꞌãñabara.