Hechos 11:13 - Porciones del Nuevo Testamento

¹³ Maʉ̃bara daia nebʉrʉsia ángel izhi dedꞌa sãwũã ũdudꞌata, edau nʉmepe mawũãsibidꞌa: Ũmakĩrãrãta zokꞌakuadua Jope pʉwʉrʉedꞌa, aramaʉ̃ne zebirua Simónta, maʉ̃ abꞌaʉta Pedroa.

Hechos 11:13 ပူးပေါင်းရင်းမြစ်များ

Hechos 10:22

Mawũãĩ ãzhara mawũãsidꞌa: Cornelio soldaorã nokꞌota biata bꞌʉbara Daizeze wawia bꞌʉa, izhira judíorã jõmaʉ̃ba bia jara bꞌea. Ángelba maʉ̃ã jarasia bʉta izhi dedꞌa jũẽbimarẽã bʉ bedꞌeata ũrĩĩta.

Hechos 11:12

Maʉ̃ne Jawurebiaba mʉãã jarasia ãzhi bawara wãmarẽã ne krĩcha ẽã. Mʉ bawara seis wãsidꞌa mebẽrã naʉ̃rãsidꞌa, daira aramaʉ̃ne deidꞌu wãsidꞌa Cornelio dedꞌa.

Hechos 11:14

Maʉ̃bara bedꞌeata bʉaa jaraya bʉ ẽdrʉita jõma bʉzhi dedꞌabema bawara.

Hechos 12:11

Mobebʉrʉ Pedrobara kꞌawuape izhikusa mawũãsia: Idꞌibʉrʉ mʉãrã kꞌawuabʉrʉa, mʉrã wãrãne Daizezebara izhi ángelta zokꞌape ẽdrʉbibʉrʉa Herode juwuadꞌeba, aranaʉ̃ne ẽdrʉbibʉrʉa judíorãba bĩ ẽã oita krĩcha nʉmeneba.

Hechos 9:36

Jope pʉwʉrʉdꞌe Jesúsdꞌebema ĩjã bꞌʉta bꞌasia Tabita abadata, maʉ̃bara jara krĩña bꞌʉa Dorcata. Maʉ̃ wũẽrãbara biata obꞌʉba kꞌãrẽ dia bꞌasia zuburia bꞌea.

Hechos 9:38

Lida pʉwʉrʉra Jope pʉwʉrʉ kꞌaitaba Jesúsdꞌebema ĩjã bꞌebara Pedro mama kꞌobꞌʉta ũrĩnaĩ, ũmakĩrãrã ũme zokꞌasidꞌa zuburia bedꞌea mawũãnamarẽã: Dããrã barãrũã daima zeita.

Hechos 9:42

Maʉ̃ta trʉ̃poasia Jope pʉwʉrʉ jõma, mawũẽ bioba ĩjãsidꞌa Jesúsdꞌebema.

Hechos 9:43

Pedrora Jope pʉwʉrʉdꞌe ewari bio bꞌesia Simón abada dedꞌa, ne eta bi-ia obari maẽ.