Hechos 11:12 - Porciones del Nuevo Testamento

¹² Maʉ̃ne Jawurebiaba mʉãã jarasia ãzhi bawara wãmarẽã ne krĩcha ẽã. Mʉ bawara seis wãsidꞌa mebẽrã naʉ̃rãsidꞌa, daira aramaʉ̃ne deidꞌu wãsidꞌa Cornelio dedꞌa.

Hechos 11:12 ပူးပေါင်းရင်းမြစ်များ

Mateo 1:20

Izhi mawũã krĩchabʉrʉdꞌera ángel Daizezedꞌeta kꞌãĩmokꞌaradꞌe zhi ũdubipe mawũãsia: José, bʉra rey Davidꞌeba uruta bꞌʉa, María edaira perarãrũã, izhira bꞌiogꞌoasia Jawurebiadꞌeba.

Juan 16:13

Mawũãmina Jawurebia wãrãnebemata zebʉrʉdꞌera, marã erunʉmaña Daizezedꞌebema wãrãne. Izhara jara ẽbaya izhikusaudꞌebemata, awuarabʉrʉ jõma jaraya mʉneba ũrĩbʉrʉta, aramaʉ̃ne jõma marãã kꞌawuabiya kꞌãrẽ berabꞌariita.

Hechos 1:15

Maʉ̃ ewade Pedrora mebẽrã ẽsadra piradrʉsia bedꞌeai kꞌarea, maʉ̃nerã ciento veinte kĩrãkꞌa zhi jʉre nʉmʉne mawũãsia:

Hechos 10:23

Mawũãnaĩ deidꞌu wãbigasia. Nrũẽma piradrʉpe wãsia ãzhi bawara. Mebẽrã ʉ̃kʉrʉba kꞌopaya wãsidꞌa Jope pʉwʉrʉdꞌebemaba.

Hechos 10:45

Judíorã Jesúsdꞌebema ĩjã bꞌeta Pedro bawara zedꞌabara bia akʉdruasidꞌa mawũã Daizezeba judíorã ẽãta bꞌeabidꞌa diabʉrʉba Jawurebiata.

Hechos 11:13

Maʉ̃bara daia nebʉrʉsia ángel izhi dedꞌa sãwũã ũdudꞌata, edau nʉmepe mawũãsibidꞌa: Ũmakĩrãrãta zokꞌakuadua Jope pʉwʉrʉedꞌa, aramaʉ̃ne zebirua Simónta, maʉ̃ abꞌaʉta Pedroa.

Hechos 13:2

Ewari abꞌa mebẽrã Daizeze ibia jara nekꞌo ẽã zhiwidꞌi tabꞌʉdꞌe Jawurebiaba mawũãsia: Bernabéta, Saulota mʉĩta bꞌʉudua, kꞌãrẽ obigaita mʉã jʉrʉkuabʉrʉa.

Hechos 13:4

Ãzhira aramaʉ̃ne Jawurebiaba zokꞌakuabʉrʉba edꞌaa wãsidꞌa Seleucia pʉwʉrʉedꞌa. Mamaʉ̃ba barcodꞌe kĩrãrã wãsidꞌa dodꞌu Chipreidꞌu.

Hechos 15:7

Dããrã bedꞌeabʉdadꞌe Pedrota piradrʉpe mawũãsia: Mebẽrã, sãwũã dããrã bata marãbara kꞌawua bꞌea, mʉrã Daizezebara jʉrʉsia judíorã ẽãba mʉ idꞌeba Jesúsdꞌebema bedꞌea biata ũrĩnape ĩjãnamarẽã.

Hechos 15:9

Aramaʉ̃nerã awuara eda ẽbasia dazhirãta miã jarirãta, ĩjãbʉdaba kꞌazhirua ne ẽã osia ãzhi sora.

Hechos 28:15

Maĩnuba mebẽrãbara dai uruta ũrĩnape kĩrãzhu zesidꞌa Foro de Apio pʉwʉrʉidꞌu, Tres Tabernas pʉwʉrʉidꞌu. Pabloba ũdukuai Daizezea zhibia ji sobiasia.

Hechos 8:29

Maʉ̃ne Jawurebiaba Felipea mawũãsia: Orradua kꞌãʉ̃ cocheta.

Romanos 3:22

Zhi jarama Daizezebara bedꞌea ne ẽã bꞌʉita Jesucristodꞌebemata ĩjãbʉrʉdꞌeba, maʉ̃ta izhidꞌebemata ĩjãbʉda jõmaʉ̃ĩtabema, mawũẽ miõta awuara eda ẽã.