Hechos 11:1 - Porciones del Nuevo Testamento

¹ Jesúsba zokꞌakuadꞌabara mebẽrã Judea druadꞌe bꞌebara ũrĩsidꞌa mawũã judío ẽãta bꞌebidꞌa ĩjãbʉdata Daizeze bedꞌeara.

Hechos 11:1 ပူးပေါင်းရင်းမြစ်များ

Mateo 2:1

Judea druadꞌe Belén pʉwʉrʉdꞌe Jesús tosidꞌera, maʉ̃ druadꞌera Herodeta reyta bꞌasia, maʉ̃ne ʉ̃madau ʉ̃tʉ zebariareba Jerusalén pʉwʉrʉedꞌa zesidꞌa chĩdaudꞌeba ne arimaẽ jarabadata.

Mateo 8:11

Mʉã marãã jaraya, Daizezeba kꞌawua obʉrʉ ewadera bio zedꞌaya ʉ̃madau ʉ̃tʉ zebariareba, ʉ̃madau bꞌaebariareba. Maʉ̃rãta jewedꞌa nekꞌodꞌaya Abraham bawara, Isaac bawara, Jacobo bawara ʉ̃tre Daizezeta Nokꞌo maẽ.

Marcos 16:5

Mawũẽ peña zobꞌeadꞌe edꞌa wãbʉdadꞌera, juwua araare kũrãta jewedꞌa bꞌʉta ũdusidꞌa, wua torrota eidꞌu ãnabꞌari jʉ̃ bꞌasia. Wũẽrãrã perasidꞌa.

Lucas 2:32

Izhira ʉ̃nata bꞌʉba ẽdrʉdꞌaita kꞌawuabigaya judíorã ẽãta bꞌea, aramaʉ̃ne izhikꞌareuba bia trʉ̃poa nʉmaña Israel bʉreta bꞌera. (Isaías 42:6; 49:6)

Hechos 1:15

Maʉ̃ ewade Pedrora mebẽrã ẽsadra piradrʉsia bedꞌeai kꞌarea, maʉ̃nerã ciento veinte kĩrãkꞌa zhi jʉre nʉmʉne mawũãsia:

Hechos 11:29

Maʉ̃nerã Jesúsdꞌebema ĩjã bꞌebara ãzha dia bꞌeita abꞌa abꞌaʉba ne erubꞌera kꞌarebata diabuedꞌaita krĩchasidꞌa mebẽrã bꞌema Judeadꞌe.

Hechos 14:27

Jũẽnape mebẽrã ãba jʉredꞌape jarasidꞌa Daizezeba ne bia zroma odꞌata ãzhi bawara, aramaʉ̃ne sãwũã ewa nʉminapʉta Jesúsdꞌebema ĩjãnamarẽã judíorã ẽãba.

Hechos 15:3

Ãzhita mebẽrãba mawũã wãbibʉdadꞌera Fenicia druadꞌe Samaria druadꞌe jara berabꞌarisidꞌa judíorã ẽãba Jesúsdꞌebema ĩjãnapeadꞌata, maʉ̃neba kꞌãbãẽã sobiasidꞌa mebẽrã jõma.

Hechos 28:15

Maĩnuba mebẽrãbara dai uruta ũrĩnape kĩrãzhu zesidꞌa Foro de Apio pʉwʉrʉidꞌu, Tres Tabernas pʉwʉrʉidꞌu. Pabloba ũdukuai Daizezea zhibia ji sobiasia.