Hechos 10:36 - Porciones del Nuevo Testamento

³⁶ Daizezebara Israel bꞌea bedꞌeata jarabuebʉrʉta bedꞌea biata adu-a bꞌeaidꞌebemata jarasia Jesucristodꞌeba, maʉ̃ta jõmaʉ̃ Nokꞌoa.

Hechos 10:36 ပူးပေါင်းရင်းမြစ်များ

Mateo 10:6

Awuarabʉrʉ wãũdua oveja adua bꞌe kĩrãkꞌa bꞌema Israel bꞌema.

Mateo 11:27

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.

Mateo 28:18

Maʉ̃nerã Jesúsbara ãzhi orrape mawũãsia: Daizezebara zareata mʉãã diasia jõma mʉã erunʉmamarẽã ʉ̃tre nʉmʉta druadꞌe nʉmʉta.

Lucas 1:79

Aramaʉ̃ne pãrĩguadꞌe bꞌeta ʉ̃nabibʉrʉra ẽdrʉdꞌaita kꞌawuabigaya aduaita beuya bꞌea, dazhira aramaʉ̃ne erunʉmaña Daizeze ũme adu-a bꞌai odꞌe.

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Hechos 10:37

Marãbara kꞌawua bꞌea sãwũã trʉ̃poadꞌata Judea drua jõma, mawũã trʉ̃poasia Galileadꞌeba, buru kꞌoedꞌamarẽã jaradꞌa tẽã Juanba.

Hechos 11:19

Esteban beasidꞌadꞌe Jesúsdꞌebema ĩjã bꞌera zuburia odꞌaita pẽwãsidꞌadꞌera zhi jãrãzoabʉrʉra wãsidꞌa Fenicia druaidꞌu, Chipre dodꞌuidꞌu, Antioquía pʉwʉrʉidꞌu. Maʉ̃nerã awʉrʉa jaradꞌa ẽbasia Jesúsdꞌebema bedꞌeara, awuarabʉrʉ jarasidꞌa judíorãta bꞌea.

Hechos 13:32

Daibidꞌa maʉ̃ bedꞌea biata marãã jara panʉã Daizezeba jaradꞌata dazhirã zhibarirã bꞌeadꞌaa.

Hechos 13:46

Mawũẽ Pablobara, Bernabébara wãnigua mawũãsidꞌa: Wãrãnebai marãã naara jaradꞌaita bara basia Daizeze bedꞌeara. Mawũãmina seribidꞌa ẽãba marãĩtabemata krĩchadꞌa ẽã Daizeze ũme bꞌai jõ ẽãrã, mawũẽ daira wãnaña judío ẽãta bꞌema.

Hechos 2:36

Maʉ̃neba Israel bꞌebara jõmaʉ̃ba wãrĩnuta kꞌawuaudua, maʉ̃ Jesús marãba cruzdꞌe kꞌachidꞌapeadꞌara Daizezebara Nokꞌota bꞌʉsia zhãrã Ẽdrʉbita.

Hechos 5:31

Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.

Romanos 14:9

Cristora maʉ̃ kꞌarea beudꞌata piradrʉpe wakusa zokꞌai bꞌesia, aramaʉ̃ne bꞌesia beukuadꞌa Nokꞌota zokꞌai bꞌe Nokꞌota.

Romanos 5:1

Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba.