Зекерья 9:12 - Мукъаддес Китап

¹² Къаленъизге къайтынъыз, эй, сиз, умют эткен эсирлер! Бугунь бильдирем ки, сизден алынгъанны эки къат этип, сизге береджегим.

Зекерья 9:12 ပူးပေါင်းရင်းမြစ်များ

Эюп акъкъында китап 42:10

Эюп достлары ичюн дува эткенден сонъ, РАББИ онъа эвельки барлыгъыны къайтарды. Бундан гъайры, РАББИ Эюпта олгъанынынъ эки къат зиядесини берди.

Ешая 24:22

Оларнынъ эписи эсир этиледжек, чукъургъа ташланаджакъ, зиндангъа къапатыладжакълар, чокъ вакъыт кечкен сонъ джезаланаджакълар.

Ешая 38:18

Олюлернинъ дюньясы Санъа шукюр этмез, олюм Сени макътамаз, мезаргъа тюшкенлер Санъа ишанмаз.

Ешая 40:2

– Ерусалимнен йымшакъ лаф этинъиз, онъа хабер этинъиз: дженк вакъты битти, къабааты ичюн одеме этильди, бутюн ишлеген гуналары ичюн РАББИнинъ къолундан эки къат корьди.

Ешая 49:9

зинданда яткъанларгъа: «Чыкъынъыз», къаранлыкъта отургъанларгъа: «Корюнинъиз», – дейджегим. Ёллар бою айванларыны бакъаджакълар, эр тёпелеринде отлакълары оладжакъ.

Ешая 52:2

Устюндеки тозунъны къакъ, тур, эй, эсир Ерусалим! Бойнунъдан зынджырынъны чыкъар, эй, эсир Сионнынъ къызы!

Ешая 61:7

Масхаралыгъынъыз ичюн эки къат аладжакъсынъыз. Ашалангъаны ичюн къысметине къуванаджакълар, озь топрагъында эки къат мульк аладжакълар, шенълиги сонъсуз оладжакъ.

Йирмея 14:8

Эй, Исраильнинъ Умюти! Яман вакъытларындаки Къуртарыджысы! Не ичюн мемлекетте бир ябанджы дайынсынъ, ялынъыз геджелемек ичюн кирген ёлджу кибисинъ?

Йирмея 16:19

– Я РАББИ! Сен меним кучюмсинъ, беля куню мени къорчалайсынъ ве сакълайсынъ. Дюньянынъ кенарларындан Санъа халкълар келип: «Деделеримиз бизге къалдыргъанлары – ялынъыз яланлар, бош шейлер ве файдасыз путлар, – дейджеклер.

Йирмея 17:13

РАББИ, Сен – Исраильнинъ ишанчысынъ! Сени ташлап кеткенлер эписи масхара оладжакълар. Сени ред эткенлернинъ адлары куль устюнде языладжакъ; олар РАББИни, тири сувнынъ чокърагъыны быракътылар.

Йирмея 31:17

– Келеджегинъ ичюн умют бар, – дей РАББИ, – огъулларынъ озь топрагъына къайтаджакълар.

Йирмея 31:6

Ойле кунь келеджек ки, Эфраим дагъындаки къаравуллар: «Турунъыз, Сионгъа котерилейик, РАББИге, бизим Алламызгъа кетейик!»

Йирмея 50:28

Вавилон топрагъындан къуртулгъанларнынъ, къачкъанларнынъ сеслери эшитиле. Олар Сионда РАББИнинъ джезасы акъкъында, Сарайы ичюн Алламызнынъ джезасы акъкъында хабер этелер.

Йирмея 51:10

РАББИ бизни къорчалап, акълады, айдынъыз, кетейик, Сионда Алламыз РАББИмизнинъ ишлерини хабер этейик.

Ехезкель 37:11

О манъа шойле деди: – Инсан огълу! Бу кемиклер – бутюн Исраиль халкъыдыр. Олар: «Кемиклеримиз къуруп кетти, умютимиз гъайып олды, биз яшайыштан кесильдик», – дейлер.

Хошеа 2:15

Анда онъа юзюмликлерни береджегим, Акъор вадийини онынъ ичюн умют къапусы япаджагъым. Анда о, яшлыгъында киби, Мысырдан чыкъкъан куньлерде киби, тюркюлер йырлайджакъ.

Ёэль 3:16

РАББИ Сиондан гудюрдейджек, Ерусалимден сесини чыкъараджакъ. Коклер ве ер тепренеджек. Лякин РАББИ Озь халкъыны къорчалайджакъ, Исраиль огъулларына сакъланув ери оладжакъ.

Микъа 4:8

Эй, Сион къызы, Ерусалим шеэри, къойлар ичюн къаравуллыкъ къуллеси, сен, эвельки киби, падишалыкънынъ баш шеэри оладжакъсынъ, ве Ерусалим халкъы падишалыкъ этеджек.

Нахум 1:7

РАББИ хайырлыдыр, беля вакътында сакъланув еридир. Онъа ишангъанларны О, биле.

Еудийлерге 6:18

Алла берген сёз ве ант денъишмез, чюнки Алла ялан айтып оламаз. Бу сёз ве ант бизни, яни Аллада сакъланув тапкъанларны ве оладжакъ шейлерге умют эткенлерни, юреклендирелер.

Еудийлерге 6:19

Шу умют – къайыкъкъа якъыр киби, о, джангъа ишанч ве хавфсызлыкъ бере. Бу умют ярдымынен биз Энъ Мукъаддес Ернинъ пердеси артына кечип оламыз.