Зекерья 8:9 - Мукъаддес Китап

⁹ Ордуларнынъ РАББИси бойле дей: – Юрекленинъиз! Бу куньлерде сиз пейгъамберлернинъ шу сёзлерини эшитесинъиз. Олар исе Сарай къурулгъандан эвель, Ордуларнынъ РАББИсининъ Эви темели къоюлгъанда, анда булундылар.

Зекерья 8:9 ပူးပေါင်းရင်းမြစ်များ

1 Тарих вакъиалары 22:13

Эгер РАББИнинъ Исраильге Мусанен буюргъан низамнамелерини ве къарарларыны тутсанъ ве беджерсенъ, ишлеринъ онъундан келеджек. Кучьлю ве джесаретли ол, къоркъма ве рухтан тюшме.

1 Тарих вакъиалары 28:20

Сонъ огълу Сулеймангъа бойле деди: – Къавий ол, джесаретли ол да, ишке кириш. Къоркъма, рухтан тюшме. РАББИ-Тааля, меним Аллам, сеннен берабердир. Сен РАББИнинъ Сарайы къурулышында керек ишлерни битирмегендже, О, сени къалдырмаз, сенден вазгечмез.

2 Тарих вакъиалары 15:7

Амма сиз кучьлю олунъыз. Сизинъ къолларынъыз кучьтен кесильмесин, ишлеринъиз ичюн сизни мукяфат беклей.

Узеир 6:14

Ехуда акъсакъаллары да, Хагъгъай пейгъамбернинъ ве Иддонынъ огълу Зекерьянынъ пейгъамберлигине коре, къурдылар, ве оларнынъ ишлери онъ келе эди. Исраиль Алласынынъ истегенине коре ве Фарс падишалары Кореш, Дарьявеш ве Артахшастанынъ буюргъанларына коре, олар къурдылар ве битирдилер.

Ешая 35:3

Такъаттан кесильген къолларынъызны къуветлендиринъиз, къалтырагъан тизлеринъизни къавийлештиринъиз.

Ешая 35:4

Къоркъакъларгъа: – Бир шейден къоркъмайып, къатты олунъыз, Бакъынъыз, Алланъыз келе! – айтынъыз. – О джезалайджакъ, эр кеснинъ къазангъанына коре береджек. О келеджек ве сизлерни къуртараджакъ.

Хагъгъай 1:1

Падиша Дарьявешнинъ падишалыгъынынъ экинджи йылында, алтынджы айнынъ биринджи куню Хагъгъай пейгъамберге РАББИден бойле хабер кельди. О, Ехуда акимине Шеалтиэлнинъ огълу Зеруббавелге ве баш руханийге Ехоцадакънынъ огълу Ехошуагъа шуны айтты:

Хагъгъай 1:12

Шеалтиэлнинъ огълу Зеруббавел, баш руханий Ехоцадакънынъ огълу Ехошуа ве бутюн къалгъан халкъ Алласы РАББИнинъ сёзлерини ве Алласы РАББИ ёллагъан Хагъгъай пейгъамбернинъ сёзлерини динъледилер. Халкъ РАББИден къоркъып башлады.

Хагъгъай 2:18

– Шимди эвельки заманны, бу куньгедже не олгъаныны акъылгъа кетиринъиз. Бугуньден, докъузынджы айнынъ 24-юнджи кунюнден, РАББИнинъ Сарайына темель къоюлгъан кунюнден башлап, бу вакъытны акъылда тутунъыз.

Хагъгъай 2:21

– Ехуданынъ акимине Зеруббавелге бойле айт: Мен коклерни ве ерни титретеджегим,

Зекерья 8:13

Эй, Ехуда халкъы ве Исраиль халкъы! Сиз халкълар арасында къаргъыш киби олдынъыз. Лякин Мен сизни къуртараджагъым ве, сизлерни анъып, яхшылыкъ тилейджеклер. Къоркъманъыз, юрекленинъиз!

Зекерья 8:18

Ордуларнынъ РАББИсинден манъа даа бир хабер кельди.

Эфеслилерге 6:10

Не исе, Раббинен ве Онынъ къудретли къуветинен кучьлю олунъыз.

2 Тимотейге 2:1

Огълум, Иса Месихте тапкъан эйиликнен къавийлеш.

Нун огълу Ехошуа 1:6

Къуветли ве джесаретли ол. Халкънынъ деделерине емин эткеним киби, бу топракъны оларгъа мульк оларакъ береджексинъ.

Нун огълу Ехошуа 1:8

Бу Теврат китабынынъ сёзлери даима агъзынъда олсун. Бу китапны гедже-куньдюз огрен ве анда язылгъаннынъ эписини тыпкъы-тыпкъына беджер. Сонъ ишлеринъ онъундан келир, ве эр ишке акъылнен янашарсынъ.