Зекерья 6:10 - Мукъаддес Китап

¹⁰ – Сюргюнликтен Вавилондан къайткъан Хелдай, Товья, Едаядан алтын ве кумюш ал да, шу куню Цефаньянынъ огълу Ёшиянынъ эвине кет.

Зекерья 6:10 ပူးပေါင်းရင်းမြစ်များ

4 Падишалар 25:18

Къаравулларнынъ башлыгъы руханийлернинъ башлыгъы Сераяны, экинджи руханий Цефаньяны ве къапуда къаравул тургъан учь адамны алды.

Ешая 66:20

О вакъыт бутюн халкъларнынъ арасында яшагъан эписи агъа-къардашларынъызны атларда, ачыкъ ве япыкъ арабаларда, къатырларда ве тез юрген девелерде азиз дагъыма, Ерусалимге РАББИге бахшыш оларакъ алып кетиреджеклер, – дей РАББИ. – Бунъа ошап, Исраиль огъуллары темиз савутларда РАББИнинъ Эвине ашлыкъ бахшышларыны кетирелер.

Йирмея 28:6

бойле деди: – Амин, ойле олсун! РАББИ буны япсын, сенинъ айткъанынъны беджерсин! РАББИнинъ Эвиндеки савутларынен бутюн сюргюн этильгенлерни Вавилондан мында къайтарсын!

Фаалиет 24:17

Чокъ йыллардан берли мында олмагъанымдан сонъ, халкъыма садакъалар ве бахшышлар кетирмек ичюн, Ерусалимге къайтып кельдим.