Зекерья 3:8 - Мукъаддес Китап

⁸ Эй, баш руханий Ехошуа, сен ве огюнъдеки, мында олгъанлары яхшы бельги олгъан аркъадашлар, динъленъиз! Бакъынъыз, Мен «Пытакъ» къулумны алып кетирем.

Зекерья 3:8 ပူးပေါင်းရင်းမြစ်များ

Зебур 71:7

Онынъ куньлеринде инсафлы онъаджакъ, ай ёкъ олгъандже, аманлыкъ чокълашаджакъ.

Ешая 11:1

Кутюктен филис чыкъкъаны киби, тамырындан бир пытакъ аткъаны киби, Йишайнынъ союнда бир эвлят догъаджакъ.

Ешая 20:3

РАББИ деди ки: – Къулум Ешая чыплакъ ве ялынаякъ учь йыл юргени – мысырлыларгъа ве хушлуларгъа ишарет ве алямет олсун.

Ешая 4:2

О куню Исраильнинъ сагъ къалгъан огъулларына РАББИден аджайип ве урьмет этильген бирев келеджек. О адам оларнынъ мемлекетинде юкселип, оларнынъ гъуруры ве шурети оладжакъ.

Ешая 42:1

– Мына – къулум! Мен оны сайладым ве онъа ярдым этем! О – джанымнынъ чырагъыдыр. Онъа Озь Рухумны бердим; О, халкъларгъа адалетликни илян этер.

Ешая 49:3

Манъа: «Исраиль, сен – Меним къулумсынъ, шуретимни сенде косьтереджегим», – деди.

Ешая 49:5

Якъупны Озюне къайтармагъа, Исраильни Озюне топламагъа, догъгъанымдан берли РАББИ мени Озь къулу япты. РАББИнинъ козюнде шурет къазандым, Аллам – меним кучюмдир. Шимди О, дей:

Ешая 52:13

Мына, къулумнынъ ишлери онъ келеджек, котериледжек, юкселеджек, пек буюк оладжакъ.

Ешая 53:11

Азап чеккен сонъ, О бакъып къуванаджакъ. Инсафлы олып, РАББИнинъ къулу озь анълавынен чокъ адамларны акълайджакъ, къабаатларыны Озюне юклейджек.

Ешая 53:2

О, РАББИнинъ огюнде бир фидан киби, къуру топракътан бир филис киби чыкъты. О, не дюльбер, не де улу эди. Бизлер Оны корьдик, ве корюниши бизни меракъландырмай эди.

Ешая 8:18

Мына, мен ве РАББИ манъа берген балалардыр. Биз – Сион дагъында яшагъан Ордулар РАББИсинден Исраильге берильген аляметлер ве бельгилермиз.

Йирмея 23:5

– Мына, бойле куньлер келеята ки, Мен Давутнынъ эвлядыны, Инсафлы Пытакъны юксельтеджегим, – дей РАББИ. – Падиша падишалыкъ этмеге башлайджакъ. О, акъыллы олып, ер юзюнде адалетнен суд этеджек.

Йирмея 33:15

– О куньлерде, о заманда Мен Давутнынъ эвлядыны, Инсафлы Пытакъны юксельтеджегим. О, ер юзюнде адалетнен ве догърулыкънен суд этеджек.

Ехезкель 12:11

Айт: «Мен сизлер ичюн бир бельгим». Мен насыл япкъан олсам, оларнен де ойле япыладжакъ. Олар сюргюнликке, эсирликке кетеджеклер.

Ехезкель 12:6

Оларнынъ козю огюнде шейлеринъни омузынъа юкле де, къаранлыкъта кет. Топракъны корьмемек ичюн, бетинъни къапат. Мен сени Исраиль халкъына бельги деп яптым.

Ехезкель 24:24

«Ехезкель сизге бельги олсун: сиз онынъ япкъаны киби япаджакъсынъыз. Буларнынъ эписи олып кечкен сонъ, Мен – РАББИ-ТААЛЯ олгъанымны биледжексинъиз».

Ехезкель 34:29

Мен оларгъа боллугъынен нам къазангъан топракълар береджегим, топракъларында ачлыкътан бир даа ольмейджеклер. Халкълар оларны бир даа яманламайджакълар.

Ехезкель 37:24

Меним къулум Давут оларнынъ падишасы, эписининъ бир чобаны оладжакътыр. Олар Меним къарарларыма коре яшайджакълар, низамнамелеримни беджереджеклер.

Зекерья 6:12

Онъа бойле айт: Ордуларнынъ РАББИси бойле дей: Мына, бу адам – Онынъ Ады «Пытакъ». О тамырындан филис киби оседжек ве РАББИнинъ Сарайыны къураджакъ.

Лука 1:78

Бизим Алламызнынъ буюк мерамети ичюн бизге юксеклерден айдын шефакъ келеджек,