Зекерья 2:8 - Мукъаддес Китап

⁸ Мени ёллагъан шуретли Ордуларнынъ РАББИси сизни чайпагъан халкъларгъа бойле дей, чюнки сизге зарар кетиреджек адам РАББИнинъ энъ къыйметлисине зарар кетирген адамгъа ошар:

Зекерья 2:8 ပူးပေါင်းရင်းမြစ်များ

Башланув 20:6

Алла онынъ тюшюнде бойле деди: – Сен буны темиз юрекнен япкъанынъны Мен билем. Онынъ ичюн, Меним огюмде гуна япма деп, санъа о апайгъа токъунмагъа ёл бермедим.

4 Падишалар 24:2

РАББИ онъа къаршы къасдийлилернинъ, арамлыларнынъ, моавлыларнынъ ве аммонлыларнынъ айдутлар сюрюлерини йиберди. РАББИ къуллары пейгъамберлернен эвельден айткъаны киби, О, шу сюрюлерни Ехуданы ёкъ этмек ичюн йиберди.

Зебур 17:8

О, гъазаплангъаны ичюн, ер юзю тепренип титреди, дагъларнынъ темеллери сарсылып, еринден къыбырдады.

Икметли сёзлер 7:2

Эмирлеримни тут ве яша, огреткенлеримни, козь бебеги киби, сакъла.

Ешая 49:19

Сенинъ йыкъыкъ ве бакъымсыз ерлеринъде ве бозулгъан топрагъынъда тар оладжакъ, о къадар чокъ адамлар анда яшайджакълар да. Сени харап эткенлер сенден узакълашаджакъ.

Йирмея 12:14

РАББИ бойле дей: – Исраиль халкъыма берильген топрагъына уджюм эткен эписи яман къомшуларымны топрагъындан къувалайджагъым, Ехуда халкъыны да араларындан чыкъараджагъым.

Йирмея 27:7

Онынъ ве мемлекетининъ йыкъыладжакъ вакъты-саати кельмегендже, бутюн халкълар онъа, огълуна ве торунына хызмет этеджеклер. Онъа чокъ халкълар ве буюк падишалар хызмет этеджеклер.

Ехезкель 25:12

РАББИ-ТААЛЯ шойле дей: – Эдом Ехуда халкъына чокъ яманлыкъ япкъаны ичюн, буюк къабаат къазанды.

Ехезкель 25:15

РАББИ-ТААЛЯ шойле дей: – Фелестинлилер яманлыкъ яптылар, олар юрегиндеки нефретнен джезалайлар, сонъсуз душманлыкънен олюм кетирелер.

Ехезкель 26:2

– Инсан огълу! Тир шеэри Ерусалим акъкъында бойле дей: «Аха-а! Чокъ халкълар кечип кеткен къапулар бозулгъан! Шимди эписи манъа догъру келеджек! Энди мен бай олурым, о исе харап къаладжакъ!»

Ехезкель 26:20

Мен сени, олюм чукъурына тюшкенлерни киби, эвель заман яшагъан халкъларынынъ янына тюшюреджегим; ашагъы дюньягъа, даимий йыкътырылгъан ерлер арасына, мезаргъа тюшкенлернинъ янына сени ерлештиреджегим. Бир даа сенде адамлар яшамайджакъ, сен ер юзюндеки халкъларгъа шан-шуретинъни башкъа косьтермейджексинъ.

Ехезкель 35:5

Сен исраиллилерге даима душманлыкъ яптынъ, олар белягъа огърагъан вакъытта, джезалангъан вакъытта оларны къылычкъа бердинъ.

Ехезкель 36:11

Адамларнынъ ве айванларнынъ сайысыны чокълаштыраджагъым, олар берекетли оладжакъ, сайысы артаджакъ. Эвельде олгъаны киби, топрагъынъыз адам толу оладжакъ. Сизге эвелькисинден даа да чокъ яхшылыкъ япаджагъым. О заман Мен – РАББИ олгъанымны билирсинъиз.

Ехезкель 38:11

Сен: «Къорчаланмагъан койлерге барайым, къасеветсиз яшагъан тынч халкъкъа уджюм этейим. Оларнынъ не диварлары, не килитлери, не де къапулары бар, – деп тюшюнеджексинъ.

Ехезкель 38:14

Шунынъ ичюн, инсан огълу, пейгъамберлик эт ве Гоггъа бойле айт: РАББИ-ТААЛЯ шойле дей: – О вакъыт Меним халкъым Исраиль къоркъмайып, къасеветсиз яшайджакъ, сен исе ёлгъа чыкъаджакъсынъ.

Амос 1:11

РАББИ бойле дей: – Гуна устюне гуна къазангъанлары ичюн, эдомлыларны мытлакъа джезалайджагъым. Чюнки олар къардашлары исраиллилернинъ артындан къылычнен къувалады, мераметсиз олды, ачувына чыкъмагъа ёл берди, ве гъазабы сонъсуз эди.

Амос 1:13

РАББИ бойле дей: – Гуна устюне гуна къазангъанлары ичюн, аммонлыларны мытлакъа джезалайджагъым. Чюнки олар, озь мемлекетине башкъа топракъларны къошмакъ ичюн, Гиладда юклю къадынларнынъ къурсакъларыны яра эди.

Амос 1:9

РАББИ бойле дей: – Гуна устюне гуна къазангъанлары ичюн, Тир шеэринде яшагъанларны мытлакъа джезалайджагъым. Чюнки олар эписи сюргюн этильгенлерни эдомлыларнынъ къолларына берди, достлукъ мунасебетлерини акъылгъа кетирмеди.

Микъа 4:11

Шимди чокъ халкъ санъа къаршы чыкъты ве: «Сион арамлансын, козьлеримиз де бунъа бакъып тойсун», – дейлер.

Микъа 5:6

Олар Ашшур топрагъыны, Нимроднынъ ачыкъ ерлерини къылычнен чобанлыкъ япаджакъ. Ашшурнынъ аскерлери бизим топрагъымызгъа басып кельгенде, сынъырларымызны бозгъанда, О, бизни Ашшурдан къуртараджакъ.

Микъа 7:10

Бунынъ эписини душманым кореджек, манъа: «Къайда РАББИ, сенинъ Алланъ?» – деп айткъан душман утанаджакъ. Оны, сокъакътаки чамур киби, таптайджакълар, козьлерим буны корип тояджакъ.

Хавакъкъукъ 2:17

Ливанда япкъан зорбалыгъынъ, айванларны къоркъузгъан залымлыгъынъ озюнънинъ башынъа тюшеджек, чюнки сен инсан къаныны тёктинъ, мемлекетлерни боздынъ, шеэрлерни ве анда яшагъанларны ёкъ эттинъ.

Хавакъкъукъ 2:8

Сен чокъ халкъларны талагъанынъ ичюн, халкъларнынъ къаныны тёккенинъ, мемлекетлерни ве шеэрлерни бозгъанынъ, анда яшагъанларны ёкъ эткенинъ ичюн, энди халкъларнынъ эписи сени таларлар.

Цефанья 2:8

Мен Моавнынъ сёгюшлерини, Аммон огъулларынынъ куфюр сёзлерини эшиттим. Олар Меним халкъымны мыскъылладылар, халкъымнынъ топракъларында къопайдылар.

Зекерья 2:11

– О куню чокъ халкълар РАББИге къошуладжакъ ве Меним халкъым оладжакъ. О заман Мен аранъызда яшайджагъым. О вакъыт сиз Ордуларнынъ РАББИси мени ёллагъаныны биледжексинъиз.

Зекерья 2:9

– Мына, оларгъа къаршы къолумны котереджегим, ве оларнынъ къуллары оларны чайпайджакъ. Сонъ Ордуларнынъ РАББИси мени ёллагъаныны биледжексинъиз.

Зекерья 8:5

Яш огъланлар ве къызлар кене шеэрнинъ мейданларында ойнап къуванаджакъ.

Малакий 3:1

– Мына, Мен хаберджимни ёллайым. О, Меним огюмде ёлны азырлайджакъ. О вакъыт сиз къыдыргъан Рабби апансыздан Озь Сарайына келеджек. Сиз истеген васиет хаберджиси шимди келеята, – дей Ордуларнынъ РАББИси.

Матта 25:40

Падиша оларгъа джевап берип: – Сизге догърусыны айтам: шу кучюк къардашларымдан бирисине япкъанынъыз – Манъа япкъанынъыздыр, – дейджек.

Матта 25:45

О джевап берип, оларгъа: – Сизге догърусыны айтам: шу кучюклернинъ бирисине япмагъанынъыз – Манъа япмагъанынъыздыр, – дейджек.

Юхан 14:26

Къорчалайыджы исе, Меним Адымдан Баба ёллайджакъ Мукъаддес Рух, сизге эр шейни огретеджек ве Меним сизге айткъан эписи сёзлеримни акъылынъызгъа кетиреджек.

Юхан 17:18

Сен Мени дюньягъа ёллагъанынъ киби, Мен де оларны дюньягъа ёлладым.

Фаалиет 9:4

Саул ерге йыкъылып: – Саул, Саул! Сен Мени не ичюн айдайсынъ? – деген сесни эшитти.

Къануннынъ текрары 32:10

О, оны бош сахрада, кийик увулдагъан чёльде тапкъан. Оны къорчалап, акъыл берген, козь бебеги киби оны сакълагъан.

2 Тессалоникелилерге 1:6

Эгер Алла сизни азаплагъанларгъа беля берсе, бу, тек адалетли олур.

1 Юхан 4:14

Баба Озь Огълуны дюньянынъ Къуртарыджысы оларакъ ёллады. Биз буны корьдик ве бунъа шаатлыкъ беремиз.