Зекерья 13:4 - Мукъаддес Китап

⁴ О куню эр бир пейгъамбер пейгъамберлик этмектен ве озь корьген руяларындан утанаджакъ, ве адамларны алдатмакъ ичюн, устюне пейгъамбер урбасыны, сачтан япылгъан урбасыны киймейджек.

Зекерья 13:4 ပူးပေါင်းရင်းမြစ်များ

4 Падишалар 1:8

Олар: – Шу адам пек юньлю, белиндеки къушагъы териден эди, – дедилер. Ахазья исе: – Бу – тишбели Ильяс, – деди.

Ешая 20:2

РАББИ Амоцнынъ огълу Ешаягъа тамам о йылында: – Белинъдеки чувал токъумаларынъны, аякъларынъдан сандалетлеринъни чыкъар, – деди. Ешая ойле де япты, чыплакъ ве ялынаякъ юрип башлады.

Йирмея 2:26

– Тутулгъан хырсыз насыл масхара олса, Исраиль эви де: исраиллилер, падишалары, башлыкълары, руханийлери ве пейгъамберлери де масхара олды.

Йирмея 6:15

Пис ишлерни япкъанда, утандылармы? Ёкъ! Ич утанмайып, къызарып бозармайлар да! Онынъ ичюн тюшкенлернинъ арасына тюшеджеклер, джезанен кельгенимде, ерге йыкъыладжакълар, – дей РАББИ.

Йирмея 8:9

Акъыллы адамлар масхара олды, къоркъып, къапкъангъа тутулды. Олар РАББИнинъ сёзюни ред эттилер, акъыллары недедир?

Матта 3:4

Ягъя деве юнюнден орюльген урба кийип, белине мешин къушакъ багълап юре эди. Онынъ ашагъан ашы исе чегертки ве кийик бал эди.

Марк 1:6

Ягъя деве юнюнден орюльген урба, белинде мешин къушакъ такъып юре эди. Ашагъан ашы – чегертки ве кийик бал эди.

Еудийлерге 11:37

Оларны ташларнен ура, пычкъынен пыча, къыйнавгъа огърата, къылычнен ольдюре эдилер. Олар къой ве эчки терисине кийинип долаша, ёкъсуллыкъта, дертлерде ве азапларда яшай эдилер.

Сырларнынъ ачылувы 11:3

Мен эки шаатыма къудрет береджегим, ве олар чувал безинден тикильген урбада 1 260 кунь пейгъамберлик япаджакълар.