Зекерья 11:12 - Мукъаддес Китап

¹² Оларгъа: «Бу сизинъ козюнъизде яхшы олгъаны корюнсе, къазанчымны беринъиз, истемесенъиз – берменъиз», – дедим. Олар манъа къазанч оларакъ отуз кумюш бердилер.

Зекерья 11:12 ပူးပေါင်းရင်းမြစ်များ

Башланув 23:16

Ибраим Эфроннынъ айткъанларына разы олды, ве Хет огъуллары эшиткенлерине коре, Эфрон не къадар айткъан олса, о къадар кумюш, базиргянларда юрген ольчюге коре, 400 кумюш ольчеп, Эфронгъа берди.

Башланув 37:28

Мидьян базиргянлары янларындан кечкенде, агъалары Юсуфны къуюдан чыкъарып, оны исмаиллилерге йигирми кумюш акъчагъа саттылар. Исмаиллилер Юсуфны Мысыргъа алып кеттилер.

3 Падишалар 21:2

Бир кунь Ахав Навоткъа: – Манъа юзюм багъынъны бер, мен анда озюме бостан япарым, чюнки о меним эвиме якъын. Онынъ ерине мен санъа даа яхшысыны берерим. Эгер истесенъ, парасыны кумюшнен тёлерим, – деди.

3 Падишалар 5:6

Сен мен ичюн Ливандан кедр тереклерини кесмеге эмир эт. Меним къулларым сенинъ къулларынънен берабер чалышаджакълар. Сенинъ къулларынъ ичюн не къадар сорасанъ, кира парасыны береджегим. Сен билесинъ ки, бизде сидонлылар киби терек кесмеге бильгенлер ёкъ».

2 Тарих вакъиалары 30:4

Бу, падишанынъ ве джемаатнынъ козюне догъру корюнди.

Чыкъыш 21:32

Эгер бугъа къулны я да къадын къулны тюртип ольдюрсе, бугъанынъ сабысы оларнынъ эфендисине 30 кумюш тёлесин, бугъа исе ташнен урып ольдюрильсин.

Йирмея 32:9

ве эмджемнинъ огълу Ханамелден Анатотта ерлешкен тарланы сатын алдым. Онъа он еди кумюш чекип бердим.

Левийлилер 27:4

Эгер къадын олса, фияты 30 кумюш олсун.

Малакий 3:5

Ордуларнынъ РАББИси бойле дей: – Суд этмек ичюн сизге келеджегим ве этнеджилерни, къоранта садыкълыгъыны бозгъанларны, ялан шаатлыкъ эткенлерни, ыргъатнынъ къазанчыны озь вакътына бермегенлерни, тулны ве оксюзни къыйнагъанларны, кельмешеклерден адалет акъкъыны тартып алгъанларны, Менден къоркъмагъанларны тез мейдангъа чыкъараджагъым.

Матта 26:15

– Исаны къолунъызгъа тутып берсем, манъа не берерсиз? – деп сорады. Олар Иудагъа отуз кумюш сайып бердилер.

Матта 27:10

Алла манъа буюргъан киби, чёльмекчининъ тарласыны сатын алдылар.

Матта 27:9

Шунынънен Йирмея пейгъамбернинъ агъзындан айтылгъаны беджерильди: Исраиль огъуллары Онъа фият къойгъан отуз кумюшни алды.

Юхан 13:2

Акъшамлыкъ ашы вакъты эди. Шейтан энди Симон Искариот огълу Иуданынъ юрегине Исаны сатмакъ ниетини къойгъан эди.