Зебур 92:3 - Мукъаддес Китап

³ Озенлер котериле, я РАББИ, озенлер сесини котере, озенлер буюк далгъаларыны котере.

Зебур 92:3 ပူးပေါင်းရင်းမြစ်များ

1 Тарих вакъиалары 13:8

Давут ве исраиллилер исе Алланынъ огюнде бар кучюнен чалгъы чалып, йырлап, сантыр, арфа, дарелер ве зиллерде, эм де боразан чалып кете эдилер.

1 Тарих вакъиалары 15:16

Давут левийлилернинъ башлыкъларына, озьлери йырджы къардашларыны чалгъы алетлеринен, арфа, сантыр ве зиллер чалып, къуванч тюркюлерини юксек сеснен йырламагъа къойсун деп, буюрды.

1 Тарих вакъиалары 23:30

Эр саба олар турып, РАББИге шукюр этмеге ве Оны макътамагъа керек эдилер. Эр акъшам да шуны япа эдилер.

1 Тарих вакъиалары 25:6

Олар эписи бабасынынъ ёлбашчылыгъында РАББИнинъ Сарайында зиллер, арфалар ве сантырларда чалып, Алланынъ Эвинде хызмет эте эдилер. Асаф, Едутун ве Хеман падишанынъ эмирлерини беджере эдилер.

2 Тарих вакъиалары 20:28

Олар арфа, сантыр ве боразан чалып, Ерусалимге кирдилер ве РАББИнинъ Сарайына якъынлаштылар.

2 Тарих вакъиалары 23:5

учьте бир къысмы падиша эвинде оладжакъ, ве учьте бир къысмы Темель къапусында тураджакъ. Бутюн халкъ исе РАББИнинъ Сарайы азбарларында оладжакъ.

2 Тарих вакъиалары 29:25

Падиша РАББИнинъ Сарайында левийлилерни зиллер, арфалар ве сантырларынен берабер ерлештирди. Буны падиша Давут, онынъ гизли шейлерни бильген адамы Гъад ве Натан пейгъамбер буюргъан эдилер. РАББИ буны Озь пейгъамберлери ярдымынен буюрды.

Нехемья 12:27

Ерусалим диварыны багъышлагъанда, левийлилерни эр ерден чагъырттылар ве оларгъа Ерусалимге кельмеге буюрдылар. Олар диварны багъышламагъа, къуванмагъа, шукюрлернен ве макътавларнен йырламагъа ве зиллер, арфа ве сантырда чалмагъа керек эдилер.

Зебур 149:3

Оюнгъа тюшип Онынъ Адыны макътасынлар, даре ве сантыр чалып, Онъа йырласынлар!

Зебур 33:2

Эр вакъыт РАББИни алгъышлайым, Онъа макътавларым тилимден тюшмез!

Зебур 57:8

Акъкъан сув киби, олар ёкъ олып кетсинлер, олар яйларыны тарткъанда, окълары сынып къалсынлар.

Зебур 68:25

Сен гъазабынъны оларнынъ башына сач, ачувынънынъ атеши оларгъа япышсын!

Зебур 9:16

Халкълар озьлери къазгъан чукъургъа тюшти, озьлери къойгъан тузагъына аякълары илинди.

1 Падишалар 10:5

Бундан сонъ фелестинлилернинъ сакъчы болюги булунгъан Алланынъ Байырына келеджексинъ. Анда шеэр ичине киргенде, ибадет тёпесинден тюшеяткъан, Алланынъ шейлерини тариф эткен пейгъамберлерни расткетиреджексинъ, оларнынъ огюнде арфа ве даре, къавал ве сантыр чалгъан адамлар оладжакълар.