Зебур 71:16 - Мукъаддес Китап

¹⁶ Дюньяда чокъ ашлыкъ олсун, о, дагъларнынъ башында далгъалансын, мейва тереклери Ливан орманы киби олсун. Шеэр халкъы исе ердеки от киби чокълашсын.

Зебур 71:16 ပူးပေါင်းရင်းမြစ်များ

Зебур 106:2

РАББИ сатын алгъан адамлар бойле айтсынлар! О, оларны душман къолундан къуртарды,

Зебур 29:11

Эшит мени, я РАББИ, ве мерамет эт манъа! Я РАББИ, манъа ярдымджы ол!»

Зебур 71:15

О, чокъ яшайджакъ, Онъа Шева алтыныны береджеклер, токътамайып Онынъ ичюн дува окъуйджакълар, эр кунь Онъа шукюр этеджеклер.

Зебур 71:19

Онынъ шуретли Адына эр вакъыт шукюрлер олсун, бутюн ер юзю Онынъ шуретинен толсун! Амин! Амин!

Зебур 71:2

О, Сенинъ халкъынъны догърулыкънен, фукъарелеринъни адалетнен суд этсин.

Ешая 26:13

Я РАББИ-Таалямыз! Сенден гъайры башкъа падишалар бизге башлыкъ этти, амма ялынъыз Санъа, Сенинъ Адынъа ибадет этемиз.

Ешая 40:31

РАББИге ишангъанлар исе тазе кучь аладжакъ, къарталлар киби, къанатларыны котереджек, чапып, болдурмайджакъ, юрип, такъаттан кесильмейджеклер.

Ешая 63:7

РАББИнинъ буюк севгисини акъылымда тутаджагъым, Оны эр япкъан шейи ичюн макътайджагъым. РАББИ бизге эр шейни берди, исраиллилерге чокъ яхшылыкъ япты, Онынъ шефкъаты пек буюк, Онынъ севгиси пек кучьлюдир.

Зекерья 10:12

Мен оларны РАББИнинъ кучюнен кучьлю этеджегим. Олар Адымнен яшап, арекет этеджек, – дей РАББИ.

Матта 6:33

Сиз башта Алланынъ Падишалыгъыны ве Онынъ инсафлыгъыны къыдырынъыз, сизге бу шейлернинъ эписи де бериледжек.

Римлилерге 1:17

Къуванчлы Хаберде Алла бизге бильдире ки, биз Алланынъ огюнде тек иманымыз ярдымынен акъланып оламыз. Языда да бойле айтылгъан: «Ким иманы ярдымынен инсафлы олса, яшайджакъ».

Римлилерге 10:3

Алланынъ адамларны акълагъаныны анъламайып, озь арекетлеринен инсафлы олмагъа тырышалар ве, бойле этип, Алланынъ инсафлы истегине бойсунмайлар.

Римлилерге 3:21

Амма шимди, Къанунгъа багълы олмагъан, Алла берген акъланув ёлу ачылды. Бу ёл акъкъында эм Къанун, эм пейгъамберлер хабер этелер.

Эфеслилерге 3:16

О, Озь шуретининъ байлыгъына коре, Озь Рухунен сизинъ ичинъизде олгъан инсанда сизге къуветли олмагъа такъат берсин,

Эфеслилерге 6:10

Не исе, Раббинен ве Онынъ къудретли къуветинен кучьлю олунъыз.

Къануннынъ текрары 33:25

Къапуларынъдаки мандаллары – демир ве бакъырдандыр, къудретинъ куньлеринъе тенъ оладжакъ.

Филиплердекилерге 4:13

Манъа кучь берген Иса Месихнинъ ярдымынен эр шейни япып олам.

2 Тессалоникелилерге 1:6

Эгер Алла сизни азаплагъанларгъа беля берсе, бу, тек адалетли олур.

2 Тимотейге 2:1

Огълум, Иса Месихте тапкъан эйиликнен къавийлеш.