Зебур 7:17 - Мукъаддес Китап

¹⁷ Онынъ белясы озюнинъ башына келеджек, онынъ зулумлыгъы озюнинъ тёпесине тюшеджек.

Зебур 7:17 ပူးပေါင်းရင်းမြစ်များ

2 Падишалар 3:29

Онынъ къаны Ёавнынъ башына ве бабасынынъ бутюн союна тюшсюн. Ёавнынъ союнда арам беден хасталыгъы ве маразнен хасталангъан я да топал олгъан, къылычтан ольген я да бир тилим отьмекке мухтадж олгъан адамлар эр вакъыт олсунлар! – деди.

3 Падишалар 2:32

– О, эки инсафлы ве ондан яхшы олгъан акъайларгъа уджюм эткен ве, Давут бабамнынъ хабери олмайып, Исраиль орду башлыгъы Нер огълу Авнерни ве Ехуда орду башлыгъы Етер огълу Амасаны къылычнен ольдюргени ичюн, РАББИ онынъ къаныны озюне чевирсин.

Эстер 9:25

Лякин хабер падишагъа кельген сонъ, падиша кягъытны йиберди ве Хаманнынъ ехудалыларгъа къаршы тюшюнип чыкъаргъан яманлыгъыны онынъ башына къайтарды, ве онен огъулларыны да дирекке астылар.

Зебур 111:3

Боллукъ ве зенгинлик онынъ эвинде, онынъ инсафлыгъы эбедий олур.

Зебур 140:10

Ярамайлар озь авларына тюшер, мен исе къуртулып кетерим.

Зебур 145:7

О, эзильгенлерге адалетли укюм эте, ачларгъа отьмек бере! РАББИ эсирлерни азат эте!

Зебур 9:2

Джан-юректен РАББИге шукюр этерим, Сенинъ аджайип ишлеринънинъ эписини айтып берерим!

Зебур 92:1

РАББИ – Падишадыр! О, улулыкъкъа кийинген! РАББИ къудретке кийинген ве онен къушангъан! Акъикъатен, дюнья къатты тура ве ич сарсылмаз!

Зебур 98:2

Сионда РАББИ улудыр, Юджедир О, бутюн халкълардан устюндир!

Даниял 4:17

Сен корьген терегинъ балабан осип ве къавий олып, юксеклигинен кокке тийген ве бутюн ер юзюнде корюнген эди.

Даниял 4:25

Невукъаднеццар падишанен буларнынъ эписи олды.

Даниял 4:34

Шимди мен, Невукъаднеццар, эписи ишлери акъикъий ве ёллары адалетли олгъан Коктеки Падишаны макътайым, юксельтем ве шерефлейим. О, кибирленген адамларны алчакъгонъюлли япа биле.

Фаалиет 7:48

Лякин Юдже Алла инсан къолунен япылгъан эвлерде яшамай. О пейгъамбер агъзы иле айткъаны киби:

Къадылар 9:24

Еруббаалнынъ етмиш огълунынъ олюми, оларнынъ тёкюльген къаны ичюн, эм оларны ольдюрген къардашы Авимелек, эм оларны ольдюрмеге Авимелекке ярдым эткен шекемлилер де акъкъыны тёлейджек эдилер.

Къадылар 9:57

Алла, япкъан джинаетлери ичюн шекемлилерни де джезалады. Бойлеликнен, Еруббаал огълу Ётамнынъ къаргъышы ерине кельди.