Зебур 6:9 - Мукъаддес Китап

⁹ Эй, яманлыкъ япкъанларнынъ эписи, узакълашынъыз менден, чюнки РАББИ агълагъанымны эшитти.

Зебур 6:9 ပူးပေါင်းရင်းမြစ်များ

2 Тарих вакъиалары 34:27

“Шу ер ве онынъ сакинлери акъкъында сёзлерни эшиткенде, юрегинъ йымшагъан ве сен Аллагъа боюн эггенинъ ичюн, Меним огюмде бойсунгъанынъ ве урбаларынъны йырткъанынъ ичюн, Меним огюмде агълагъанынъ ичюн, Мен сени эшиттим. Бу – РАББИнинъ сёзюдир.

Зебур 118:5

Ах, низамнамелеринъни тутмагъа меним ёлларым баргъан олса эди!

Зебур 120:1

Дагъларгъа козьлеримни котеририм, манъа ярдым къайдан келир?

Зебур 138:3

Юргенимде де, раатлангъанымда да Сен мени бакъасынъ, бутюн ёлларымны Сен эвельден билесинъ.

Зебур 3:4

Амма Сен, я РАББИ, чевре-четимде къалкъансынъ, меним шуретимсинъ, башымны юкъарыгъа котерген – Сенсинъ.

Ешая 38:5

– Артынъа къайт да, Хизкиягъа шойле айт: «РАББИ, бабанъ Давутнынъ Алласы бойле дей: Мен сенинъ дуваларынъны эшиттим, козь яшларынъны корьдим. Омрюнъе даа он беш йыл къошаджагъым,

Агълав йырлары 3:56

Сен сесимни эшиттинъ, «Къулагъынъны къапатма, къуртар, ярдым эт манъа», – дедим.

Юнус 2:2

Балыкънынъ ичинден РАББИ-Таалясына дува этип,

Юнус 2:7

Дагъларнынъ темелине къадар тюштим, ер мени эбедиен къапатты. Лякин Сен, РАББИ-Таалям, джанымны о бир дюньядан къуртардынъ.