Зебур 57:4 - Мукъаддес Китап

⁴ Ярамайлар догъулгъандан берли ёлдан урулдылар, анасынынъ къурсагъындан чыкъкъанынен, олар яланджыдыр, янълыш ёлнен кетелер.

Зебур 57:4 ပူးပေါင်းရင်းမြစ်များ

Эюп акъкъында китап 41:14

Бойну – кучю еридир, чевресине дешет сачар.

Зебур 43:3

Сен Озь къолунънен халкъларны къуваладынъ, баба-деделеримизни исе оларнынъ топрагъында ерлештирдинъ. Сен къабилелернинъ бойнуны урдынъ, оларны яшагъан ерлеринден къувдынъ.

Зебур 52:2

Акъылсыз озь юрегинде: «Алла ёкъ», – деди. Адамлар бозулды, игренч ишлер япып башлады. Яхшылыкъ япкъан ич кимсе ёкъ.

Зебур 58:6

Сен – Ордуларнынъ РАББИ-Таалясысынъ! Исраильнинъ Алласы, бутюн халкъларгъа джеза бермек ичюн тур, имансыз хаинлернинъ ич бирисини аджыма! Сэла

Зебур 59:7

Сенинъ севгенлеринъ къуртулсынлар! Сенинъ онъ къолунънен оларны къуртар! Джевап бер манъа!

Зебур 64:3

Сен дуваны эшитесинъ, бутюн инсанлар Санъа келеджек.

Икметли сёзлер 12:18

Бошбогъазнынъ тили – къылыч киби кескиндир, икметли адамнынъ тили исе – дертке дерман.

Икметли сёзлер 25:18

Башкъа адамгъа къаршы ялан шаатлыкъ эткен адам чокъмар, къылыч ве сюйрю окъ кибидир.

Икметли сёзлер 28:15

Заваллы халкънынъ яман акимдары – окюрген арслан, адамгъа атылгъан аюв кибидир.

Икметли сёзлер 30:14

Ойле несиль бар ки, тишлери – къылыч, ченгелери – пычакътыр, олар ер юзюндеки заваллы ве адамларнынъ фукъарелерини ютып ёкъ этерлер.

Якъуп 3:6

Тиль де – бир атештир, башкъа мучелеримиз арасында яманлыкъкъа толу дюнья кибидир. О, бутюн беденимизни арамлай. Джеэннемден алевленип, о, бутюн яшайыш ёлуны якъа.

Сырларнынъ ачылувы 19:15

Онынъ агъзындан бир кескин къылыч чыкъып тура; онен О, халкъларны ура. Демир таягъынен О, оларгъа падишалыкъ япа, Къудретли Алланынъ атешли гъазабыны душманларынынъ башларына тюшюре. Юзюм сыкъкъан ерден чыкъкъан шарап киби, оларнынъ устюне гъазабы акъа.

Къадылар 9:20

Эгер де догъру ве инсафлы шей япмагъан олсанъыз, Авимелектен атеш чыкъсын ве Шекем сакинлерини ве Бет-Миллоны якъсын! Шекем сакинлеринден ве Бет-Миллодан атеш чыкъып, Авимелекни якъсын!