Зебур 47:3 - Мукъаддес Китап

³ Сион дагъы – гузель тёпеликтир, бутюн ер юзюнинъ къуванчыдыр! Онынъ шималь тарафында улу падишанынъ шеэри бар.

Зебур 47:3 ပူးပေါင်းရင်းမြစ်များ

Зебур 110:1

Мен догъруларнынъ шурасында ве топлашувында ачыкъ юрекнен РАББИни шуретлерим!

Зебур 66:5

Миллетлер севинсин, къуванчнен къычырсын! Сен халкъларны догърулыкънен суд этесинъ, ер юзюндеки миллетлерге ёл косьтересинъ. Сэла

Зебур 95:3

Шан-шуретини миллетлер арасында хабер этинъиз, аджайип шейлерини бутюн халкъларгъа бильдиринъиз!

Зебур 99:2

РАББИге севине-севине хызмет этинъиз, Онынъ янына къуванчлы къычырувнен барынъыз!

Йирмея 10:7

Халкъларнынъ Падишасы! Сенден ким къоркъмаз? Сенден къоркъмагъа – догъру арекеттир! Халкъларнынъ эписи акъыллы адамлары арасында, эписи падишалыкъларында Санъа ошагъан ёкъ!

Зекерья 14:9

РАББИ бутюн дюньянынъ падишасы оладжакъ. О куню тек бир РАББИ оладжакъ, Онынъ тек бир Ады къаладжакъ.

Малакий 1:14

– Бир адамнынъ сюрюсинде бутюнлей сагъ айван олгъанда, о, адакъ берсе ве сагъ айваннынъ ерине хаста айванны къурбан оларакъ Раббиге кетирсе, шу яланджы лянет олсун! Мен – улу Падишам, – дей Ордуларнынъ РАББИси. – Халкълар Меним Адымдан къоркъсунлар.

1 Коринтлилерге 15:25

Алла бутюн душманларыны Месихнинъ аякълары астына ташлагъандже, Месих падишалыкъ япмакъ керек.

Къануннынъ текрары 33:29

Исраиль, сен не де бахтлысынъ! Санъа ошагъан ким бар? РАББИ къуртаргъан халкъсынъ! О – сени къорчалагъан къалкъанынъдыр ве шуретинънинъ къылычыдыр. Огюнъде душманларынъ ялтакъланалар, сен исе оларнынъ ибадет тёпелерини аякъларынънен басасынъ.

Филиплердекилерге 3:21

Эр шейни Онъа бойсундыраджакъ къудретинен, О, бизим заваллы беденимизни Озюнинъ шуретли беденине ошатып денъиштиреджек.

Нун огълу Ехошуа 21:44

Деделерине емин эткени дайын, РАББИ оларны эр тарафлама раат этти. Душманларындан оларгъа къаршы бири туралмады, эписини РАББИ оларнынъ къолуна берди.